سوتسيال- دەموكرات ليدەرى تاجىكستان پرەزيدەنتىنەن ەلدەگى شيەلەنىستى باسەڭدەتۋگە شاقىردى

استانا. قازاقپارات - تاجىكستاننىڭ سوتسيال-دەموكراتيالىق پارتياسىنىڭ ءتوراعاسى ۇلتتىق بىرلىك كۇنى قارساڭىندا پرەزيدەنت ەمومالي راحمونعا ۇندەۋ جاساپ، ەلدەگى جاعدايدى وزگەرتۋگە شاقىردى.

15 -ماۋسىمدا جاريالانعان تاجىكتىڭ سوتسيال- دەموكراتتار ليدەرىنىڭ ۇندەۋىندە قازىرگى جاعدايدا تاجىكستان گەوپوليتيكالىق، اسىرەسە ىشكى ساياساتتاعى شيەلەنىستى باسەڭدەتۋدى قاجەت ەتەدى دەلىنگەن.

پارتيا ءتوراعاسى راحماتيللو زويروۆ تاجىكستاننىڭ باستى يگىلىگى تاجىك حالقى اراسىنداعى بەيبىتشىلىك جانە ۇلتتىق بىرلىك كۇنىن اتاپ ءوتۋ بولعان. بۇگىندە مۇنداي مەرەكە جوق دەپ اتاپ وتكەن.

سول سەبەپتەن سوتسيال- دەموكراتيالىق پارتيانىڭ جەتەكشىسى تاجىكستان پرەزيدەنتىنەن ەل تاۋەلسىزدىگىنىڭ 25  جىلدىعىندا راقىمشىلىق جاساۋدى سۇراپ، دەموكراتيالىق پارتيانىڭ بۇرىنعى ليدەرى ماحمادرۋزي يسكانداروۆتى، ەكس- مينيستر زايد سايدوۆتى، ادۆوكاتتار بۋزۋرگمەحر يەروۆ پەن شۋحرات كۋدراتوۆتى جانە يسلام پارتياسى جەتەكشىلەرىن بوساتۋعا شاقىردى. ونىڭ سوزىنشە، ولار قىلمىس جاساماعان.

27 -ماۋسىمدا تاجىكستان ۇلتتىق بىرلىك كۇنىن اتاپ وتەدى. 1997 -جىلى اتالعان كۇنى تاجىكستان ۇكىمەتى مەن بىرىككەن تاجىك وپپوزيتسياسى بەيبىت كەلىسىمگە قول قويعان. بۇل كەلىسىم تاجىكستاندا بەس جىلعا سوزىلعان ازاماتتىق سوعىستى توقتاتقان ەدى

 baq.kz