ك. ءماسىموۆ اۋەجايلار مەن ۆوكزالداردى قازىرگى زامانعى تەكسەرۋ جۇيەسىمەن جابدىقتاۋدى تاپسىردى
بۇنداي تاپسىرمانى ول بۇگىن ۇكىمەت وتىرىسىندا جۇكتەدى.
«ينۆەستيتسيالار جانە دامۋ مينيسترلىگىنە، ۇلتتىق قاۋىپسىزدىك كوميتەتىمەن، ىشكى ىستەر مينيسترلىگىمەن، «سامۇرىق- قازىنا» قورىمەن بىرلەسە اۋەجايلاردى، اۆتوبۋس جانە تەمىرجول ۆوكزالدارىن قازىرگى زامانعى تەكسەرۋ جۇيەسىمەن جابدىقتاۋ بويىنشا ءبىرىڭعاي تەحنيكالىق تالاپتاردى بەكىتۋ تۇرعىسىندا شارالار قابىلداۋى قاجەت»، - دەدى ك. ءماسىموۆ.
پرەمەر- مينيستر قازاقستان وڭىرلەرىنە جۇمىس ساپارلارىن باستايتىنىن ايتا كەلە، بۇل ساپار بارىسىندا ول وسى باعىتتا اتقارىلعان جۇمىستاردىڭ ناتيجەسىن جەكە ءوزى تەكسەرەتىنىن جەتكىزدى.
«بارلىق وڭىرلەرگە بارعاندا اكىمدەر ماعان اۋەجايلاردىڭ جاعدايىن، سونداي- اق تەكسەرۋ جۇيەسىن كورسەتۋى ءتيىس. وسى ورايدا سول جەردە ءتيىستى شەشىم جاساۋ قاجەت بولسا، قاجەتتى قادامداردى جاسايمىز»، - دەدى ۇكىمەت باسشىسى.
اۆتور: رۋسلان عابباسوۆ