ءبىر ايدا لاڭكەستىككە قارسى ءىس-قيمىل بويىنشا زاڭنامانى جەتىلدىرۋگە باعىتتالعان زاڭ جوباسى ازىرلەنەدى
ۆەدومستۆوارالىق جۇمىس توبىنا (ەكسترەميزمگە جانە لاڭكەستىككە قارسى ءىس- قيمىل سالاسىندا شارالار كەشەنىن ازىرلەۋ جونىندەگى) ءبىر اپتادا نورماتيۆتىك- قۇقىقتىق جانە ۇيىمداستىرۋشىلىق مازمۇنداعى ناقتى ۇسىنىستارمەن شارالار جوسپارىن دايارلاۋ تاپسىرىلدى. وسى رەتتە پرەزيدەنتتىڭ تاپسىرمالارىن ورىنداۋدىڭ فورمالارى، مەرزىمدەرى كورسەتىلەدى.
«سونىمەن قاتار مەملەكەت باسشىسىنىڭ تاپسىرماسى بويىنشا ۇلتتىق قاۋىپسىزدىك كوميتەتىنە مۇددەلى ورگاندارمەن بىرلەسە ءبىر ايدىڭ ىشىندە ەكسترەميزم مەن لاڭكەستىككە، قارۋ- جاراق اينالىمىنا قارسى ءىس- قيمىل، كوشى- قوندى رەتتەۋ جانە باسقا دا سالالار بويىنشا زاڭنامانى جەتىلدىرۋگە باعىتتالعان زاڭ جوباسىن جانە وزگە نورماتيۆتىك- قۇقىقتىق اكتىلەرلەردى ازىرلەۋ قاجەت»، - دەدى ۇكىمەت باسشىسى.
ق ر ۇلتتىق ەكونوميكا مينيسترلىگى الدىنا مۇددەلى مەملەكەتتىك ورگاندارمەن بىرلەسە ءبىر اپتالىق مەرزىمدە كوشى- قون ماسەلەلەرى بويىنشا مەملەكەتتىك ورگاندار وكىلەتتىگىن جىكتەۋدى قاراستىراتىن قر پرەزيدەنتىنىڭ جارلىعى جوباسىن ۇكىمەتكە ەنگىزۋ مىندەتى جۇكتەلدى. وسى جۇمىستار مەملەكەت باسشىسى ماقۇلداعان قادامدار مەن كوشى-قون جونىندەگى ۇلتتىق بيۋرونى قۇرۋدى ەسكەرە وتىرىپ اتقارىلۋى كەرەك.
اۆتور: رۋسلان عابباسوۆ