جوبانى قازىرگى ۋاقىتتا قالالىق زاڭ شىعارۋشى كەڭەستىڭ ءبىرقاتار مۇشەسى ۇسىنىپ وتىر. بۇل تۋرالى جەكسەنبىدە جاپونيالىق تەلەارنادا ل د پ ارداگەرى، ەلدىڭ بۇرىنعى ءبىلىم ءمينيسترى حاكۋبۋن سيمومۋرا ءبىلدىردى.
ايتا كەتەيىك، توكيو گۋبەرناتورى ساياسي قورىنداعى قاراجاتتى بىرنەشە رەت جەكە قاجەتىنە جاراتقانى ءۇشىن سىنعا قالعان. بۇعان دەيىن ماسۋدزوەنىڭ ءوزى قوناقۇيلەر مەن مەيرامحانالارداعى كەشكى اسقا 455 مىڭ يەن (4,1 مىڭ دوللارعا جۋىق) جۇمساعانىن مويىنداعان بولاتىن. ءبىراق ونىڭ ءبارى ول 2014 -جىلعى اقپانعا دەيىن، ياعني قالا باسشىلىعىنا كەلگەنگە دەيىن بولعانىن مويىنداعان بولاتىن. ول بۇل قاراجاتتى قايتارۋعا ۋادە بەرىپ وتىر. وسىعان بايلانىستى، بۇل جانجالعا بولا ءوز قىزمەتىنەن كەتكىسى كەلمەيتىنىن دە مالىمدەدى.
سونىمەن قاتار، ونى ايىپتاۋشىلار استانادان 10 شاقىرىم جەردەگى يۋگاۆارادا ورنالاسقان ۇيىنە ءجيى قاتىناۋىنا دا قارسى شىقتى. قالا تۇرعىندارى اتىنان مالىمدەمە جاساۋشىلار ول ۇيىنە بارىپ كەلۋگە قىزمەتتىك كولىگىن پايدالانادى دەپ سىن تاقتى.
67 جاستاعى ەيتي ماسۋدزوە - جاپونيادا بەلگىلى ساياساتكەر، حالىقارالىق قاتىناستار مامانى.