وڭتۇستىك قازاقستاندا مەملەكەتتىك قىزمەتشىلەر اراسىندا سپارتاكيادا ءوتىپ جاتىر - فوتو
ايماق باسشىسىنىڭ باسپا ءسوز قىزمەتىنەن حابارلانعانداي، جىل سايىن ۇيىمداستىرىلىپ وتىرعان سپورتتىق ءىس- شارانىڭ نەگىزگى ماقساتى - مەملەكەتتىك قىزمەتتەگى ازاماتتاردى سالاۋاتتى ءومىر سالتىنا باۋلۋ.
كەشە، 11 ماۋسىم كۇنى اتالعان دەپارتامەنت باسشىسى، ادەپ جونىندەگى كەڭەس ءتوراعاسى ب. بەكجانوۆ جانە وبلىس اكىمدىگى اپپاراتىنىڭ باسشىسى ە. ءالىمقۇلوۆتىڭ قاتىسۋمەن قاجىمۇحان اتىنداعى ورتالىق ستاديونىندا وبلىس اكىمىنىڭ اپپاراتى، دەپارتامەنتتەر مەن باسقارمالار اراسىندا سپورتتىڭ بىرنەشە ءتۇرى بويىنشا سپارتاكيادانىڭ اشىلۋ سالتاناتى ءوتتى.
اتاپ ايتقاندا، سپارتاكيادانىڭ باعدارلاماسىندا مەملەكەتتىك قىزمەتشىلەر قۇرامى سپورتتىڭ ۆولەيبول، كىشى فۋتبول، ۇستەل تەننيسى، جەڭىل اتلەتيكا (ەرلەر، قىزدار اراسىندا 4Х100 جۇگىرۋ ەستافەتاسى جانە ەرلەر 100م، 400م، 1500 مەتر، قىزدار 100م,400م، 800 مەتر قاشىقتىققا جۇگىرۋ)، شاحمات، ارقان تارتۋ، قول كۇرەس، ءجۇزۋ تۇرلەرىنەن باقتارىن سىناماق.
جارىستىڭ العاشقى كۇنىندە كىشى فۋتبول، شاحمات، ۆولەيبول جانە ۇستەل تەننيسى سپورت تۇرلەرىنەن جارىستار ءوتتى.
سپارتاكيادانىڭ قورىتىندىسى مەن جابىلۋ سالتاناتى بۇگىن 12 -ماۋسىم كۇنى قاجىمۇحان اتىنداعى ورتالىق ستاديوندا وتەدى.