ازا تۇتۋ كۇنىنە بايلانىستى ۇلى بريتانيا پاتشايىمنىڭ مەرەيتويى كەيىنگە شەگەرىلدى

استانا. قازاقپارات - ۇلى بريتانيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى كەرولين براۋننىڭ شەشىمىمەن، ۇلى بريتانيا پاتشايىمىنىڭ 90 جىلدىق مەرەيتويىنا ارنالعان بۇگىنگى مەرەكەلىك شارا كەيىنگە شەگەرىلدى.

ەلشى پاتشايىمنىڭ 90 جىلدىعىنا ارنالعان مەرەكەلىك شارانى كەلەسى بەيسەنبى، 17 -ماۋسىمعا اۋىستىرعانىن حابارلادى.

«وزدەرىڭىز بىلەتىندەي، 5 -ماۋسىم كۇنى اقتوبەدە بولعان تەررورلىق اكتىگە بايلانىستى، بۇگىن سول لاڭكەستىك شابۋىل كەزىندە قازا تاپقانداردى جالپىۇلتتىق ازا تۇتۋ كۇنى رەتىندە بەلگىلەندى. سوندىقتان، بۇگىن، 9 -ماۋسىمعا بەلگىلەنگەن پاتشايىمنىڭ 90 جىلدىق مەرەيتويىنا ارنالعان مەرەكەلىك شارانى كەيىنگى شەگەرۋدى ءجون كوردىم. مەرەكەلىك شارانى 17 -ماۋسىمعا اۋىستىردىق»، - دەپ حابارلادى ك. براۋن.

ەستەرىڭىزگە سالا كەتەيىك، ۇلى بريتانيا ەلشىلىگى استاناداعى باس عيماراتىندا تۇرعان تۋىن تومەن ءتۇسىرىپ، قازاقستان حالقىنا دەگەن ەرەكشە قۇرمەتىن تانىتتى.

اۆتور: كەنجەكەي توقتامۇرات قىزى