الەمنىڭ تانىمال مۇسىلماندارى - فوتو

استانا. قازاقپارات - تانىمال گولليۆۋد جۇلدىزدارى، ءسان الەمى مەن سپورت الەمىندەگى جۇلدىزدار اراسىندا دا مۇسىلماندار بارشىلىق.

ولاردىڭ ىشىندەگى ەڭ تانىمالدارىن ztb.kz سايتىنا سىلتەمە جاساپ NUR. KZ پورتالى نازارلارىڭىزعا ۇسىنادى.

مايك تايسون

الەمگە تانىمال بوكسەر مايك تايسون 1992-جىلى يسلام ءدىنىن تۇرمەدە وتىرىپ قابىلداعان بولاتىن. تايسوننىڭ ايتۋىنشا، يسلام ءدىنى وعان جاقسىراق بولا تۇسۋگە سەپتىك بولعان. بوكسشى 2010-جىلى مالىك ابدۋل ازيز اتتى يسلام ەسىمىن الىپ، مەككەگە قاجىلىققا بارىپ كەلگەن.

شاكيل و'نيل

 

تانىمال امەريكالىق باسكەتبولشى شاكيل و'نيل يسلام ءدىنىن 2000-جىلدىڭ باسىندا قابىلداعان. سپورتشى ءوز ءدىنى تۋرالى سيرەك ايتادى. 2010-جىلى قاجىلىققا بارعان.

امال كلۋني

دجوردج كلۋنيدىڭ ايەلى بەيرۋتتە دۇنيەگە كەلگەن. ەكى جاسىندا وتباسىمەن ۇلى بريتانياعا كوشىپ كەلەدى. امالدىڭ اتا-اناسى - ليۆاندىقتار، ياعني امال - مۇسىلمان. ونىڭ اناسى «ال-حايات» اراب گازەتىندە شەتەلدىك رەداكتور بولىپ قىزمەت ەتسە، اناسى - بەيرۋت ۋنيۆەرسيتەتىندە بيزنەس-زەرتتەۋلەردىڭ پروفەسسورى.

يمان

يمان موحامەد ابدۋلمادجيد - باتىس ءسان الەمىندە تانىمالدىققا يە بولعان تۇڭعىش مۇسىلمانداردىڭ ءبىرى. بويجەتكەن مىسىر مەن كەنيادا ءبىلىم الىپ، 70-جىلداردىڭ ورتاسىندا ا ق ش- قا كوشىپ كەلەدى. وندا ارۋ Vogue جۋرنالىنا جانە وزگە دە تانىمال باسىلىمدارعا شىعىپ، اتاقتى بولا تۇسەدى.

ەيكون

اتاقتى ءانشى ەيكوننىڭ مۇسىلمان ەكەنىن كوبى بىلە بەرمەيدى. ول ەشقاشان ىشىمدىكتى اۋزىنا الىپ، تەمەكى شەگىپ كورمەگەنىن ماقتان تۇتادى. ونىڭ، ءتىپتى ءدىني سەنىمىنە باعىشتالعان «سەنەگال» اتتى ءانى دە بار. «نە ىستەسەك تە، اللا رازىلىعى ءۇشىن ىستەيمىز» دەيدى ول.

زەين ماليك

One Direction توبىنىڭ بۇرىنعى ءسوليسى زەين دجاۆااد ماليك ۇلى بريتانيادا دۇنيەگە كەلگەن. اكەسى - پاكىستاندىق، اناسى - انگليا تۋماسى. مۇسىلماندار ونى تاتۋيروۆكا سالدىرىپ، جۇلدىز بولىپ كەتكەنى ءۇشن كىنالايدى. ال باتىس وكىلدەرى بولسا، زەيندى ي ش ي م- گە قاتىسى بار دەپ تالاي ايىپتاعان بولاتىن. سودان كەيىن زەين ءوز ءدىني ۇستانىمى تۋرالى ايتپاۋعا بەل بۋعان.

روبين ۆان پەرسي

 

نيدەرلاند قۇراماسىنىڭ تاريحىنداعى ۇزدىك بومباردير. ونىڭ تابىنۋشىلارى ءروبيننىڭ مۇسىلمان ەكەنىن كوپكە دەيىن بىلمەي كەلگەن. ۆان پەرسي يسلام ءدىنىن بۋشرا ەلبالي اتتى ماروككولىق مۇسىلماندى كەزىكتىرگەننەن كەيىن قابىلداعان.

تەرري انري

فرانسيا جانە لوندوندىق ارسەنال تاريحىنداعى ۇزدىك بومباردير. ول 2008-جىلدىڭ جەلتوقسانىندا يسلام ءدىنىن قابىلداعان. سۇحبات كەزىندە تەرري مۇنداي شەشىم قابىلداۋىنا ەريك ابيدال مەن فرانك ريبەريدىڭ اسەرى زور بولعانىن ايتىپ ءوتتى.

دجانەت دجەكسون

اعالارى مايك پەن دجەرمەين دجەكسوننان كەيىن دجانەت تە يسلام ءدىنىن قابىلداعان. 2012-جىلى ءانشى كاتارلىق ميللياردەر ۆيسسام ال مانعا تۇرمىسقا شىعىپ، ساحناعا اشىق-شاشىق شىعۋىن دوعارادى. جاقىندا 50 جاستاعى دجانەت تۇڭعىشىنا جۇكتى ەكەنى انىقتالدى.

زينەدين زيدان

كەرەمەت شالعاي سوققى جاساي بىلەتىن الەم چەمپيونى، التىن دوپ يەگەرى، ⅩⅩعاسىردىڭ ۇزدىك كلۋبى «رەال مادريدتە» مانسابىن اياقتاعان زينەدين زيدان دا - مۇسىلمان. ول قاشان دا كەدەيلەرگە قولداۋ كورسەتىپ جۇرەدى. فرانسۋزدار يسلام ءدىنىن كوبىرەك ءبىلۋى ءتيىس دەپ سانايدى.

ريتا ورا

يۋگوسلاۆيادا الباندىقتار وتباسىندا دۇنيەگە كەلگەن. ريتانىڭ اناسى - كاتوليك، ال اكەسى - مۇسىلمان. بويجەتكەن ءوز دىنىنە ۇلكەن قۇرمەتپەن قارايتىنىن العا تارتادى.

كاريم بەنزەما

كاريم بەنزەما فرانسيادا دۇنيەگە كەلگەن. ونىڭ اتا-اناسى - الجير- كابيل تۋمالارى. بەنزەما بۇگىندە Real Madrid قۇرامىندا، سونىمەن قاتار فرانسيا ءۇشىن دە حالىقارالىق ارەناعا تۇراقتى تۇردە شىعىپ تۇرادى.

مەسۋت وزيل

گەرمانيا قۇراماسىنىڭ جارتىلاي قورعاۋشىسىن كەزەكتى ديەگو دەپ اتاپ كەتكەن. فۋتبولشى قانى تۇرىك ارالاس بولعاندىقتان ءوزىن مۇسىلمان سانايدى. ونىڭ ءار ماتچ الدىندا قۇران وقيتىنى بەلگىلى. بۇل فۋتبولشىعا ۇلكەن كۇش بەرەتىن كورىنەدى.