تالدىقورعاندا لاگەردىڭ اشىلۋ سالتاناتىندا فلەشموب ۇيىمداستىرىلدى - فوتو
لاگەردىڭ اشىلۋ سالتاناتىنا تالدىقورعان اكىمى باعدات قاراسايەۆ قاتىستى.
«بارلىقتارىڭا دەمالىستى جاقسى وتكىزۋدى تىلەيمىن. ءوز كەزەگىمىزدە ءبىز شاتىرلى لاگەردە سىزدەردىڭ ءوز ۋاقىتتارىڭىزدى ەستە قالارلىقتاي وتكىزۋلەرىڭىز ءۇشىن قولدان كەلگەنىن جاسايمىز»، - دەدى باعدات قاراسايەۆ.
شاتىرلى لاگەردە ءبىر مەزگىلدە 200 بالا دەمالماق. 20 -تامىزعا دەيىن بارلىعى 2000 بالا دەمالادى. وقۋشىلاردىڭ كۇندەلىكتى باعدارلامالارىندا سپورتتىق ويىندار، كەشكە الاۋ الدىنداعى جيىن، ديسكوتەكا، كوماندالىق ويىندار بار. ويىن- ساۋىق بولىگىنەن باسقا بالالار ءۇشىن مۇزەيلەرگە، گالەرەيالار مەن تاريحي ورىندارعا ەكسكۋرسيالار ۇيىمداستىرىلادى.
ءتورت جىل بۇرىن اشىلعان شاتىرلى لاگەر بالالاردىڭ كوڭىلىنەن شىقتى. اتاپ ءوتۋ كەرەك، ماۋسىمدا مۇندا 600 جەتىم، اتا- انا قامقورىنسىز قالعان بالالار، سونىمەن قاتار كوپ بالالى جانە تۇرمىس جاعدايى تومەن وتباسىلاردىڭ بالالارى تەگىن دەمالادى.