ءماجىلىس جەر كودەكسىنىڭ ءبىرقاتار نورمالارىنا موراتوري ەنگىزەتىن زاڭ جوباسىن جۇمىسقا الدى
ەسكە سالا كەتەيىك، اتالعان قۇجات جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى ق ر پرەزيدەنتىنىڭ اعىمداعى جىلعى جارلىعىن ورىنداۋ ماقساتىندا ازىرلەنگەن. اتالعان زاڭ جوباسىمەن اعىمداعى جىلدىڭ 31 - جەلتوقسانىنا دەيىن «ق ر جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭنىڭ جانە جەر كودەكسىنىڭ ءبىرقاتار نورمالارى توقتاتىلادى. اتاپ ايتقاندا كودەكستەگى شەتەلدىكتەرگە، ازاماتتىعى جوق ادامدارعا، شەتەلدىك زاڭدى تۇلعالارعا جارعىلىق كاپيتالىنداعى شەتەلدىكتەر مەن ازاماتتىعى جوق ادامداردىڭ، شەتەلدىك زاڭدى تۇلعالاردىڭ ۇلەسى ەلۋ پايىزدان اساتىن زاڭدى تۇلعالارعا اۋىل شارۋاشىلىعى ماقساتىنداعى جەر ۋچاسكەلەرىن جالداۋ شارتتارى مەن ۋاقىتشا جەردى پايدالانۋ قۇقىعىن بەرۋمەن، سونىمەن قاتار، قازاقستان رەسپۋبليكاسىنىڭ ازاماتتارىنا جانە مەملەكەتتىك ەمەس زاڭدى تۇلعالارعا مەملەكەتتىك مەنشىكتەگى اۋىل شارۋاشىلىعىنداعى جەر ۋچاسكەلەرىنە جەكە مەنشىك قۇقىعىن بەرۋمەن بايلانىستى نورمالارىنىڭ قولدانىسقا ەنگىزۋ مەرزىمى توقتاتىلادى.
ەندى ءماجىلىستىڭ اگرارلىق ماسەلەلەر كوميتەتى زاڭ جوباسىمەن اينالىسىپ، ول بويىنشا قورىتىندى ازىرلەيتىن بولادى.
اۆتور: قانات مامەتقازى ۇلى