مامىر ايىندا تۇرعىن ءۇي نارىعىندا باعالار وزگەردى

 «اتاپ ايتقاندا، جاڭا تۇرعىن ۇيلەردى ساتۋ باعالارى 1 پايىزعا، اباتتاندىرىلعان تۇرعىن ۇيلەردى - 0,7 پايىزعا، اباتتاندىرىلماعان تۇرعىن ۇيلەردى ساتۋ باعاسى 0,1 پايىزعا تومەندەدى. سونىمەن قاتار، اباتتاندىرىلماعان تۇرعىن ءۇيدى جالعا الۋ تولەمى 2 پايىزعا، اباتتاندىرىلعان تۇرعىن ۇيلەردى جالعا الۋ 1,8 پايىزعا تومەن بولدى»، - دەلىنگەن باسپا ءسوز بايانىندا.

كەلتىرىلگەن مالىمەتتەرگە قاراعاندا، ەلىمىزدىڭ تۇرعىن ءۇي نارىعىندا 2016 -جىلدىڭ مامىرىندا جاڭا تۇرعىن ۇيلەردى ساتۋدىڭ ورتاشا باعاسى شارشى مەترىنە 250 مىڭ 712 تەڭگەنى، اباتتاندىرىلعان تۇرعىن ۇيلەردى ساتۋ 191 مىڭ 926 تەڭگەنى قۇرادى. ال اباتتاندىرىلماعان تۇرعىن ۇيلەردى الىپ ساتۋ باعاسى شارشى مەترىنە 115 مىڭ 400 تەڭگە بولدى. سونىمەن بىرگە، اباتتاندىرىلعان تۇرعىن ۇيلەردى جالعا الۋدىڭ رەسپۋبليكا بويىنشا ورتاشا باعاسى شارشىمەترىنە 1 مىڭ 274 تەڭگەنى قۇراعان.

اۆتور: قانات مامەتقازى ۇلى