بالا تاربيەسى: ەرتەگى وقۋدىڭ پايداسى

نۇر- سۇلتان. قازاقپارات - بالالاردىڭ جانە جالپى ادام بالاسىنىڭ تاڭەرتەڭگىلىك جاعدايى، كوڭىل- كۇيى ۇيىقتار الدىنداعى ويىنا بايلانىستى. ءتۇن مەزگىلىندە بالامەن نە جايىندا سويلەسسەڭىز، نە تۋرالى ايتساڭىز، ول سول تۋرالى ويلانىپ جاتىپ ۇيقىعا كەتەدى.

دەمەك ۇيقى الدىندا بولعان ءسوز - بالانىڭ ەرتەڭىنە، بولاشاعىنا اسەر ەتەدى. بۇل تۋرالى massaget.kz جازادى.

ادام ميىندا ەرتەڭگى جاعدايدى انىقتايتىن ۇدەرىس ءجۇرىپ جاتادى دەۋگە دە بولادى. وسى ۇدەرىس ءوزىن جاقسى سەزىنۋىنە سەپتىگى تيەدى:

- جايلى جاتىپ، تىنىش ۇيىقتاۋى؛

- كوڭىل كۇيى كوتەرىڭكى بولۋى؛

- كۇش- قۋاتى مول بولۋى؛

- اعزاسى تەز جەتىلۋى؛

- ەرتەڭ نە ىستەيتىنى؛

وسى اتالعاننىڭ بارلىعى تۇندە ۇيقى الدىندا نەمەن اينالىسقانىنا بايلانىستى.

سول سەبەپتى بالاعا ۇيىقتار الدىندا ەرتەگى وقۋدىڭ پايداسى مول. ەرتەگىلەردە ءار ءىستىڭ سوڭى جاقسىلىقپەن اياقتالاتىنى، جەتىستىكتەرگە تەك قيىندىقتار ارقىلى جەتەتىنى، ادال ادام ءبىر كۇنى جاقسىلىققا قول جەتكىزەتىنى جونىندە باياندالادى. قانداي جاعداي بولسا دا، دۇرىس شەشىم شىعارا بىلۋگە ۇيرەتەتىن ەرتەگىلەردىڭ وزگە دە پايداسى جونىندە كوپ ايتۋدىڭ قاجەتى شامالى.

بالاعا ۇيىقتار الدىندا مىندەتتى تۇردە ەرتەگى وقىڭىز. ولار اڭىز- اڭگىمە ارقىلى ءوسىپ، قيالى قارىشتايدى. ءومىردىڭ قۋانىشتى دا قيىن كەزەڭدەرىندە جانىنان تابىلىڭىز.