ءجيى اشۋلاناسىز با؟ وندا وقىڭىز

استانا. قازاقپارات - ءبىر جىگىت وتە اشۋلانشاق، تىم بەيماز ەكەن. ءوزىنىڭ بۇل ادەتىنەن ارىلۋ ءۇشىن كومەك سۇراپ ءبىر دانىشپانعا كەلەدى.

سوندا ول جىگىتكە ءىشى شەگە تولى دوربانى بەرىپ ءار اشۋلانعان سايىن ءبىر شەگەنى الىپ باقشاسىنداعى ەڭ الىس ورنالاسقان ءبىر اعاشقا قاعۋعا كەڭەس بەرەدى.

جىگىت ۇيىنە قايتىپ كەلەدى. ءبىر كەزدە بىرنارسەگە اشۋلانادى دا شەگە ەسىنە ءتۇسىپ باقشاسىنا شىعىپ ەڭ شەتتە ورنالاسقان اعاشقا قاعىپ كەلەدى. ارادا ءبىراز ۋاقىت وتكەندە اشۋلانىپ، باقشاعا بارىپ شەگە قاعىپ جۇرگەننەن گورى اشۋلانباي وتىرعانى الدەقايدا وڭاي ەكەنىن تۇسىنەدى.

دانىشپانعا قايتا كەلىپ بۇل ويىن ايتادى. قاريا جىگىتپەن بىرگە باقشاسىنا كەلەدى دە الگى اعاشقا قاعىلعان شەگەلەردى «بىرتىندەپ الىپ تاستا» دەيدى. بارلىق شەگەلەردى سۋىرىپ تاستاعان جىگىتكە دانىشپان: - كوردىڭ بە، مىنا ىزدەردى؟ ءدال وسى سياقتى، ەگەر سەن اشۋ ۇستىندە بىرەۋگە قاتتى ءسوز ايتىپ، رەنجىتەر بولساڭ، ول ادامنىڭ جانىنا جازىلمايتىنداي جارا سالاسىڭ. سوندىقتان ءارقاشان سابىرلى بولۋعا تىرىس. ال ەگەر بىرەۋدى رەنجىتىپ الساڭ، الدىمەن اللادان، سودان سوڭ سول ادامنان كەشىرىم سۇراۋعا اسىق» - دەيدى.