قانات يسلام سىر سپورتشىلارىنا شەبەرلىك ساباعىن وتكىزدى - فوتو
18:36, 01 - ماۋسىم 2016
استانا. قازاقپارات - قىزىلورداداعى «تارلان» بوكس ورتالىعىندا كاسىپقوي بوكسشى قانات يسلام سىر سپورتشىلارىنا شەبەرلىك ساباعىن وتكىزدى.
بۇل تۋرالى قىزىلوردا وبلىستىق سپورت باسقارماسىنىڭ باسپا ءسوز حاتشىسى لاۋرا شوڭعالوۆا ءوزىنىڭ فەيسبۋكتەگى پاراقشاسىندا حابارلادى.
قازاقستاندىق بوكسشى شەبەرلىك ساباعىن وتكىزۋ بارىسىندا ۇلكەن سپورتتا تولاعاي جەتىستىككە جەتۋ جولدارىن ايتىپ، ءوز تاجىريبەسىمەن ءبولىستى.
ايتا كەتەيىك، ەلىمىزدىڭ ابىرويىن اسقاقتاتىپ جۇرگەن قانات يسلام كاسىپقوي بوكستا 21 كەزدەسۋىندە جەڭىسكە جەتىپ، سونىڭ 18 كەزدەسۋىن نوكاۋتپەن اياقتاعان.