الماتىدا قىتايداعى قازاق اقىندارىنىڭ جىر كەشى وتەدى

استانا. قازاقپارات-  3 - ماۋسىم كۇنى ساعات 16.00-دە قازاقستان جازۋشىلار وداعىنىڭ ادەبيەتشىلەر ۇيىندە (ابىلاي حان داڭعىلى، 105 -ءۇي) قازاقستان جازۋشىلار وداعى مەن «ەر جانىبەك» حالىقارالىق قوعامدىق قورى بىرلەسىپ شىعارعان «سەكسەۋىلدىڭ شوعى» («مەرەي» باسپاسى) اتتى ق ح ر- داعى قازاق اقىندارىنىڭ ۇجىمدىق جىر جيناعىنىڭ تۇساۋكەسەرى وتەدى.

كەشكە قىتايدان كەلگەن اقىندار مەن ونەر جۇلدىزدارى قاتىسادى.

«سەكسەۋىلدىڭ شوعى» - قىتايداعى قازاق اقىندارىنىڭ ەڭ تاڭداۋلى ولەڭدەرى توپتاستىرىلعان الماناح. ءسىز بۇل كىتاپتان جاڭا زاماندىق قازاق پوەزياسىنىڭ بيىك ورەسىن، ەپيكالىق تىنىسىن، ءسوز مايەگىن تاباسىز.

ايتا كەتەلىك، دۋماندى كەشكە ۇجىمدىق جيناققا ولەڭدەرى ەنگەن قىتايداعى قازاقتارعا عانا ەمەس، جالپى قىتاي ەلىنە تانىمال اقىن بالاپان راباتوۆ باستاعان توپ كەلەدى. سونداي- اق، ازيا ماعىپەر، تاپەي قايىسحان، دۋمان ءپازىلجان، مۇرات اۋەس، شالقار قانىكەي، ايشا قابىلقوجا، مۇرات زۇلكاپىل باستاعان تانىمال اقىندار قاتىسىپ، جىردان شاشۋ شاشادى. سونىمەن قاتار بۇل كەشكە بەلگىلى انشىلەر مەن كۇيشىلەر قاتىسىپ، كونسەرتتىك باعدارلاما ۇسىنادى.

جىر تويىنا اسىعىڭىزدار.

dalanews.kz