ەلىمىزدە ەر ازاماتتار بەلسىزدىگىن مويىنداعىسى كەلمەيدى

استانا. قازاقپارات - قازاقستانداعى جاس وتباسىلاردىڭ تەڭ جارتىسى وتاسقان العاشقى ءبىرىنشى جىلدا بالا سۇيە المايدى.

ال ولاردىڭ ىشىندە 20 پايىزدايىندا ناقتى اۋرۋلار انىقتالادى ەكەن. دارىگەرلەر مۇنداي جاعىمسىز كورسەتكىشكە ازاماتتاردىڭ ءوز دەنساۋلىعىنا دەگەن نەمقۇرايلى قاراۋى سەبەپ دەپ وتىر. ونىڭ ۇستىنە ۇيلەنەر الدىندا دارىگەرگە قارالۋ بىلاي تۇرسىن، قويىلعان دياگنوزبەن كەلىسپەيتىندەر دە بار دەيدى. اسىرەسە، ەر ازاماتاتتار ءوزىنىڭ بالا تۋعىزۋ قابىلەتسىزدىگىن مويىنداعىسى كەلمەيدى ەكەن.

ۋرولوگيالىق سىرقاتتار سالدارىنان وتباسىنىڭ بالالى بولا الماۋ ماسەلەسى الەم حالقىنىڭ بەستەن ءبىرىن مازالايدى. قازاقستاندا دا وسى دەڭگەيدە ەكەن. بۇل كورسەتكىش جىل ساناپ وسپەسە دە، كەمىمەي وتىر. دارىگەرلەر مۇنداي جاعدايدا ەرلى- زايىپتىلار جاۋاپكەرشىلىكتى تەڭ ءبولىسۋى كەرەك دەيدى. ويتكەنى، كوپ جاعدايدا ەركەكتەر بالا سۇيە الماۋىنا ءوزىن كىنالى ساناعىسى كەلمەيدى ەكەن.

ەرسايىن جيەنبايەۆ، ۋرولوگ-دارىگەر(ەرلەر دارىگەرى)، مەديتسينا عىلىمدارىنىڭ كانديداتى:

- قابىلەتسىزدىگىن ءجيى مويىندامايدى. ويتكەنى بۇل ينتيمدىك سۇراق. ونى كورىنگەنگە ايتا بەرمەيدى، ۇيالادى كوبىسى. سوندىقتان كەيبىر ماسەلەلەر ۇيالماي، دەر كەزىندە ەمدەلىپ، قارالىپ تۇرسا كوپ ماسەلەلەردى شەشۋگە بولادى. ەركەكتىڭ بەلسىزدىگى دەيدى. 1 جىل وتاسقاننان كەيىن بالا بولماسا وسىلاي دەيدى. ودان كەيىن قارالا باستايدى.

دارىگەرلەردىڭ ايتۋىنشا، وتاۋ قۇرعان جاس وتباسىلاردىڭ 50 پايىزى العاشقى 1 جىلدا وسىنداي پروبلەماعا ۇرىنادى. ال، اۋىرعاندا عانا دارىگەردى ىزدەيدى دەلىنگەن قاراپايىم جۇرتتىڭ ويى قانداي؟

ماماندار، ەر ازاماتتاردىڭ مۇنداي قىلىعىن مەنتاليتەتتەن بولۋى مۇمكىن دەيدى. ءتىپتى، ءوز كىناسىن مويىنداي الماي باسقا ايەلمەن وتاۋ قۇراتىنداردىڭ كوپ ەكەنى دە جاسىرىن ەمەس دەپ وتىر. پسيحولوگ ليمانا قويشيەۆا دا بالا كوتەرە الماۋ ماسەلەسىمەن جۇگىنەتىندەر جيىلەپ كەتكەنىن ايتادى.

ليمانا قويشيەۆا، پسيحولوگ:

- كەلىنشەكتەر كەلىپ، وزدەرى جىلاپ «ءسىز ايتساڭىز مۇمكىن تۇسىنەر، استارلاپ ايتىڭىز، مۇمكىن تۇسىندىرەرسىز، سىزگە قۇلاق قويار» دەگەن سياقتى جايتتارمەن جولداستارىن الىپ كەلىپ جاتقان جاعدايلار بولدى. بارىمىزشا تۇسىندىرەمىز. + قۇلاق ءتىپتى اسپايتىندار بولادى. + نەگە بىرگە ءجۇرىپ ەمدەلمەسكە؟ جاسىراتىن، ۇيالاتىن ەشتەڭەسى جوق ول جەردە.

وزەكتى بولىپ وتىرعان ماسەلە بويىنشا جينالعان ۋرولوگ- دارىگەرلەر ەركەك قابىلەتسىزدىگىنىڭ الدىن الۋ جولدارىن تالقىلادى. بۇل جولى مارال ءمۇيىزىنىڭ پايداسى تۋرالى دا اڭگىمە قوزعادى.

دارىگەرلەر كەڭسەدە ۇزاق وتىرىپ جۇمىس ىستەيتىن ازاماتتارعا بەلسەندى سپورتپەن شۇعىلدانۋعا كەڭەس بەرەدى. ساراپشىلاردىڭ پىكىرى ورتاق - دەنى ساۋ ۇرپاق ءۇشىن وتباسىن قۇرماي تۇرىپ دەنساۋلىعىڭىزدى تەكسەرتكەن ابزال.

 

31-ارنا