مۇناي قىمباتتاسا دا، تەڭگە ەندى تومەندەي بەرەدى - ساراپشىلار
قولدانبالى ەكونوميكانى زەرتتەۋ ورتالىعى (ق ە ز و) مۇناي نارىعىنىڭ اعىمداعى جاعدايى جانە ونىڭ بولاشاق دامۋى جونىندەگى بايانداماسىن جاريالادى.
«قازاقستان ەكونوميكاسىنىڭ قالپىنا كەلگەنىن كورسەتەتىن بەلگى جوق، - دەگەن پىكىردە قەزو ەكونوميستەرى. - ونەركاسىپ توقىراۋعا ۇشىراعان. قىزمەت كورسەتۋ مەن بولشەك ساۋدا، بايلانىس قىزمەتىنىڭ كولەمى سياقتى سالالار بىرنەشە ايدان بەرى قۇلدىراۋ ۇستىندە. ەكونوميكا پەسسيميستىك بولجامنىڭ جەلىسىمەن ىلگەرىلەپ كەلەدى».
كانادانىڭ مۇنايلى قۇمدارىندارى ايماعىنداعى ورماندارداعى ءورت، نيگەرياداعى مۇناي ءوندىرۋ ورىندارىنا سودىرلاردىڭ شابۋىل جاساۋى جانە ليۆياداعى اسا ءىرى ءۇش مۇناي پورتتارىنىڭ جۇمىسىنداعى تۇراقسىزدىق سياقتى جاعىمسىز نەگىزگى فاكتورلار مۇناي باعاسىن وسۋگە يتەرمەلەدى، ءبىراق بارلىعىنىڭ كۇرت وزگەرۋى مۇمكىن.
«قىتايداعى ەكونوميكالىق ءوسىم قارقىنىنىڭ باياۋلاۋى مۇنايى نارىعىنداعى سۇرانىس پەن ۇسىنىس اراسىنداعى ايىرماشىلىققا كەرى اسەر ەتۋدىڭ قوسىمشا فاكتورى قىزمەتىن اتقارادى. ۇسىنىستىڭ سۇرانىستان ارتىق بولۋى ەنەرگوتاسىمالداۋشىلار باعاسىنىڭ ۇزاق مەرزىم بويى قۇلدىراۋىنا اكەلىپ سوعادى»، - دەپ جازادى وسى تۇجىرىمدامالاردىڭ نەگىزىندە وقيعا دامۋىنىڭ ءۇش سەناريىن بولجالاعان ورتالىق ساراپشىلارى.
ورتالىق ەكونوميستەرىنىڭ ايتۋىنشا، ەل ەكونوميكاسى نە ورتاشا، ياعني، بازالىق ستسەنارييمەن (ينفلياتسيا دەڭگەيى 15 پايىزدى، دوللار باعامى - 335 تەڭگەنى قۇرايدى)، نە ينفلياتسيا دەڭگەيى 16,3 پايىزدى، دوللار باعامى 375,6 تەڭگەنى قۇرايتىن پەسسيميستىك سەناريمەن داميدى. دامۋدىڭ بۇل نۇسقاسى اۋىل شارۋاشىلىعىنداعى ءوسىمنىڭ 3,8 جانە قۇرىلىستا - 4,1 پايىزدى بولۋىن قاراستىرسا، ال دوللار باعامى 288,43 دوللاردى قۇرايدى.
kaz.365info.kz