اعزاعا ماگنيدىڭ جەتىسپەيتىندىگىن بىلدىرەتىن باستى بەلگىلەر
ماگني بۇلشىق ەت جانە جانە جۇيكە جۇيەلەرىنىڭ دۇرىس جۇمىس ىستەۋىنە كومەكتەسەدى، يممۋنەتتى ارتتىرادى، جۇرەكتىڭ تۇراقتى جۇمىس ىستەۋىنە جانە سۇيەكتەردىڭ، تىستەردىڭ، تىرناق پەن شاشتاردىڭ بەرىكتىگىن ساقتاۋعا ىقپال ەتەدى.
سونىمەن قاتار ول قانداعى گليۋكوزا مولشەرىن، ەنەرگيا مەن اقۋىزدىڭ شىعارىلۋىن رەتتەيدى.
دەگەنمەن وسىعان قاراماستان، ماگني ادامداردىڭ كوپ ءمان بەرە بەرمەيتىن قۇنارلى زاتتار قاتارىنا جاتادى. ءبىراق ماگني ادام اعزاسىنداعى ءبىرقاتار فۋنكسيالارعا جاۋاپ بەرگەندىكتەن، ونىڭ جەتكىزىلىكسىز بولۋى دەنساۋلىقتا ءبىرقاتار قيىندىقتاردىڭ تۋىنداۋىنا تەرىس ىقپال ەتۋى مۇمكىن.
تومەندە ءبىز ماگنييدىڭ جەتىسپەۋشىلىگىنىڭ ناتيجەسىندە پايدا بولۋى مۇمكىن فيزيكالىق جانە پسيحيكالىق سيمپتومداردى قاراستىرامىز.
1. مازاسىزدىق نەمەسە گيپەربەلسەندىلىك
مازاسىزدىق پەن گيپەربەلسەندىلىك - ماگني جەتىسپەۋىنىڭ ەڭ باستى ەكى نەۆرولوگيالىق سيمپتومدارى. بۇل مينەرال ميداعى جۇيكە جۇيەلەرىنىڭ اراسىنداعى قاجەتتى بايلانىستى ورناتۋ ءۇشىن كەرەك. سونىمەن قاتار، ماگني اعزاداعى جۇيكە جۇيەسىنىڭ دۇرىس جۇمىسىنا جاۋاپ بەرەتىن ماڭىزدى فاكتور بولىپ تابىلاتىن ەلەتروليتتەر دەڭگەيىنىڭ تەپە-تەڭدىگىن ۇستاپ تۇرۋ ءۇشىن قاجەت.
2. كۇيزەلىس (دەپرەسسيا)
ءبىرىنشى سيمپتومدى ەسكەرسەك، ماگنيدىڭ جەتىسپەۋشىلىگى كۇيزەلىسكە دە اكەپ سوقتىراتىنىن بولجاۋ قيىن ەمەس. كۇيزەلىس - ءارتۇرلى سەبەپتەردىڭ سالدارىنان تۋىنداۋى مۇمكىن كۇردەلى اۋرۋ. سول سەبەپتەردىڭ ءبىرى اعزاداعى قۇنارلى زاتتاردىڭ جەتىسپەۋى مەن دۇرىس تاماقتانباۋ بولۋى ابدەن مۇمكىن.
3. بۇلشىق ەتتىڭ اۋىرۋى
نەۆرولوگيالىق سيمپتومدارمەن قاتار، جۇيكە- بۇلشىق ەت سيمپتومدارى دا پايدا بولۋى مۇمكىن. ماگنييدىڭ جەتىسپەۋشىلىگى بۇلشىق ەتتىڭ اۋىرۋىنا، تىرىسۋىنا، سونىمەن قاتار فيبروميالگيا سياقتى باسقا دا پروبلەمالارعا اكەلىپ سوقتىرۋى مۇمكىن. ماگنيدىڭ نەگىزگى فۋنكسيالارىنىڭ ءبىرى بۇلشىقەتتى بوساڭسىتۋ بولىپ تابىلادى. بۇلشىق ەتتىڭ جيىرىلۋىنا ىقپالداساتىن كالتسيمەن بىرىگىپ، بۇلشىق ەتتىڭ دۇرىس قىزمەت ەتۋىندەگى باستى ەلەمەنتتىڭ ءبىرى بولىپ سانالادى.
4. جۇرەكتىڭ اينۋى جانە قۇسۋ
ماگنييدىڭ جەتىسپەۋشىلىگى اس قورىتۋ جولدارى مەن اسقازان- ىشەكتىڭ جۇمىسىن ناشارلاتادى. سول سەبەپتى ىشەكتىڭ دۇرىس جۇمىس ىستەمەۋىنەن باستاپ جۇرەكتىڭ قاتتى اينۋى مەن قۇسۋىنا دەيىنگى قۇبىلىستار ورىن الۋى مۇمكىن.
5. قان قىسىمىنىڭ جوعارىلاۋى
كوپتەگەن زەرتتەۋلەر جوعارى قان قىسىمىن ماگني مولشەرىنىڭ تومەندىگىمەن بايلانىستىرادى. گيپەرتونيكتەردە قۇنارلى زاتتاردىڭ جەتىسپەۋشىلىگى ءجيى كەزدەسەدى. ارينە، قان قىسىمىنا باسقا دا كوپتەگەن فيزيولوگيالىق فۋنكسيالار اسەر ەتۋى مۇمكىن، سول سەبەپتى ناقتى دياگنوزدى انىقتاۋ ءۇشىن، دارىگەرگە بارعان ءجون.
6. ۇيقىسىزدىق
ماگني جەتىسپەگەن كەزدە سوزىلمالى ۇيقىسىزدىققا شالدىعۋعا بولادى. بۇل عانا ەمەس، ۇيقىنىڭ بۇزىلۋىنىڭ باسقا دا تۇرلەرى كەزدەسۋى ابدەن مۇمكىن. ماگني نەگىزىنەن ءبىزدىڭ ۇيىقتاۋ مەن وياۋ ءجۇرۋ اينالىمدارىن رەتتەيدى.
7. كۇش- قۋاتتىڭ جەتىسپەۋى
ماگنييدىڭ جەتىسپەۋشىلىگى دەنەنى ماجبۇرلەپ قوزعالىسقا كەلتىرەدى. وسى جاعداي فيزيكالىق جانە پسيحولوگيالىق كۇيزەلىسكە اكەپ سوقتىرۋى مۇمكىن. ا ق ش- تىڭ اۋىل شارۋاشىلىق دەپارتامەنتىندە جۇرگىزىلگەن ءبىر زەرتتەۋدە ماگني مولشەرى تومەن قاتىسۋشىلار ماگني مولشەرى قالىپتى دەڭگەيدەگىلەرگە قاراعاندا وتتەگىنى كوبىرەك پايدالانعان. وتتەگىنى قولدانۋ دەڭگەيى ادام دەنساۋلىعىنىڭ ءتيىمدى كورسەتكىشى بولىپ تابىلادى. سونداي- اق ماگنيدىڭ مولشەرى ادامنىڭ توزىمدىلىگىنە دە ءوز اسەرىن تيگىزبەك. سەبەبى ماگني مولشەرى جۇرەك پەن بۇلشىقەتتىڭ جاي- كۇيىنە تىكەلەي ىقپال ەتەدى.
بۇگىندە ماگنيدىڭ تاۋلىكتىك مولشەرىن الۋعا بولاتىن كوپتەگەن تاسىلدەر بار. سولاردىڭ ىشىندە ەڭ ءتيىمدىسى، ارينە، دۇرىس تاماقتانۋ بولىپ تابىلادى. جەمىس- جيدەكتەر، بۇرشاققىندىلار، جاڭعاقتار، ءداندى- داقىلدار، باناندار، كەپتىرىلگەن جەمىستەر، اۆوكادو، يوگۋرت، قارا شوكولاد، ت. س. س. ماگني مولشەرى كوپ ازىق- تۇلىكتى پايدالانا وتىرىپ، اعزامىز ءۇشىن اسا ماڭىزدى وسى ءبىر مينەرال ءتۇرىنىڭ ورنىن تولتىرا الاتىنىمىز ءسوزسىز.