ەر ادام ايەلىنە «جاقسى كورەمىن» دەپ ايتۋى كەرەك پە؟

استانا. قازاقپارات - كەيبىر ەرلى- زايىپتىلار ءبىر- ءبىرىنىڭ اراسىندا سەزىم قالماعانىن، ارالارىندا سالقىندىق پايدا بولعانىن ايتىپ جاتادى.

ونىڭ سەبەپتەرى دە ءارتۇرلى بولۋى مۇمكىن. سولاردىڭ ءبىرى - ءبىر-بىرىنە «سەنى جاقسى كورەمىن» دەپ ايتپاۋ. كەيبىر ەر ادامدار ايەلىنە سەزىمىن ءبىلدىرۋدى ارتىق سانايدى، «ول دۇرىس ەمەس»، «ونداي جاستان ءوتىپ كەتتىك»، «ايتقاندا نە پايدا» نەمەسە «ايەلىنە باعىنىشتى ەركەكتەر عانا ايتادى» دەپ ويلايتىندار دا از ەمەس. شىنىندا، ەر ادامداردىڭ ايەلىنە سۇيىسپەنشىلىگىن ءبىلدىرىپ، جىلى ءسوزىن ايتۋى كەرەك پە؟ ول دۇرىس پا؟

نەگىزىنەن، اللا تاعالا ەرلەرگە ايەل ادامعا مەيىرىمدىلىكپەن قاراۋعا، جاقسى قارىم- قاتىناس جاساۋعا بۇيىرادى. بۇل جايلى قاسيەتتى قۇراندا: «ايەلدەرىڭمەن جاقسى تۇرىپ، جاقسى قارىم- قاتىناستا بولىڭدار» دەلىنگەن («ءنيسا» سۇرەسى، 19-ايات).

ايەل ادام تابيعاتىنان نازىك بولعاندىقتان كۇيەۋىنەن جىلى ءسوزىن، قامقورلىعىن، مەيىرىمدىلىگىن كورۋدى قالايدى. ال ەرلى- زايىپتىلاردىڭ، باۋىرلاردىڭ، جاقىنداردىڭ ءبىرىن- ءبىر جاقسى كورىپ «سەنى جاقسى كورەمىن» دەپ ايتۋلارى دا ساۋاپقا جاتادى.

اللا ەلشىسى (س. ع. س.): «اللا تاعالا قيامەت كۇنى: «مەنىڭ رازىلىعىم مەن ۇلىلىعىمنىڭ قۇرمەتى ءۇشىن ءبىر- ءبىرىن جاقسى كورگەن قۇلدارىم قايدا؟ مەنىڭ كولەڭكەمنەن باسقا پانا بولماعان وسىناۋ كۇنى ولاردى ءوزىمنىڭ كولەڭكەمە سايالاتامىن»، - دەپ ايتادى»، - دەگەن (مۋسليم، بيرر 37).

ءبىر عانا جىلى ءسوز جۇرەكتەردى جىلىتىپ، ەرلى- زايىپتىلاردىڭ سۇيىسپەنشىلىگەن ارتتىرادى، ولاردى جاقىنداستىرا تۇسەدى، ءارى ساۋاپقا كەنەلتەدى. سوندىقتان ءبىر- بىرىڭىزدەن جىلى سوزدەرىڭىزدى اياماڭىزدار، «سەنى جاقسى كورەمىن» دەپ ءجيى ايتىڭىزدار!

  asylsoz.kz