جەرگە قاتىستى اقپاراتتار وبلىس اكىمدەرىنەن تىكەلەي سۇرالاتىن بولادى - ب. ساعىنتايەۆ
ايتا كەتەرلىگى، كوميسسيا وتىرىسىندا قۇقىقتىق باعىتتاعى جۇمىس توبىنىڭ جەتەكشىسى مۇحتار تايجان بايانداما جاساپ، ءسوز باسىندا وسى ماسەلەنى كوتەرگەن بولاتىن. «بۇقارالىق اقپارات قۇرالدارىندا «اقمولا وبلىسى مەن الماتى وبلىسىنىڭ اكىمدەرى جەردى قىتايعا جالعا بەرۋ تۋرالى كەلىسىمشارتقا قول قويدى» دەپ جاتىر. بۇل ماسەلەگە قاتىستى رەسمي تۇردە سۇراعىم كەلەدى: موراتوري كەزىندە وسىنداي كەلىسىمشارتقا قول قويۋ ءجون بە؟ وسىنداي كەلىسىمشارت بولاتىن بولسا، ول تۋرالى اقپارات اشىق بولۋى كەرەك. بۇل مەنىڭ سۇراعىم ەمەس، حالىقتىڭ بىلگىسى كەلەتىنى»، دەدى م. تايجان.
ءوز كەزەگىندە كوميسسيا جەتەكشىسى باقىتجان ساعىنتايەۆ الداعى ۋاقىتتا كوميسسيا مۇشەلەرىنىڭ وڭىرلەرگە ساپارى جوسپارلانعانىن ايتتى. «وسى ساپارىمىز اياسىندا وبلىس اكىمدەرى اشىعىن ايتسىن: قول قويىلدى ما، ساتتى ما؟ وسى ماسەلە اكىمدەرگە تىكەسىنەن قويىلادى. قاعازبەن سۇراتقاننان گورى وسى دۇرىس»، دەدى ب. ساعىنتايەۆ.