جەر رەفورماسى جونىندەگى رەسپۋبليكالىق كوميسسيانىڭ ءۇشىنشى وتىرىسى وتۋدە
ق ر پرەمەر- ءمينيسترىنىڭ ورىنباسارى باقىتجان ساعىنتايەۆتىڭ جەتەكشىلىگىمەن ءوتىپ جاتقان كوميسسيانىڭ بۇگىنگى وتىرىسىندا نەگىزگى تاقىرىپ اۋىل شارۋاشىلىعى ماقساتىنداعى جەرلەردى شەتەلدىكتەرگە جالعا بەرۋ نەمەسە بەرمەۋ ماسەلەسىن تالقىلاۋ بولىپ ايقىندالعان بولاتىن.
ايتا كەتەرلىگى، بۇعان دەيىن كوميسسيا ءتورت باعىتتاعى جۇمىس توپتارىن ايقىنداپ، ولاردىڭ جەتەكشىلەرى سايلانعان. وتكەن ءبىر اپتا ىشىندە وسى ءتورت توپ نەگىزگى تاقىرىپتاردى تالقىلاپ، اۋىل شارۋاشىلىعى مينيسترلىگىنىڭ جانىنداعى شتابتا ءبىرقاتار جۇمىستار اتقارعان. وسىعان بايلانىستى ب. ساعىنتايەۆ جۇمىس توپتارىنىڭ اتقارعان شارالارى تۋرالى جەتەكشىلەردەن قىسقاشا بايانداما تىڭداۋدى ۇسىندى.
جەر رەفورماسى جونىندەگى كوميسسياسىنىڭ بۇگىنگى وتىرىسىنا 62 ازامات قاتىسىپ وتىر، 9-ى بەلگىلى سەبەپتەرمەن قاتىسا الماعان.
اۆتور: قانات مامەتقازى ۇلى