ساۋد ارابياسىندا الاياقتىعى ءۇشىن ىزدەۋدە بولعان قازاقستان ازاماتى ۇستالدى

استانا. قازاقپارات - قازاقستان رەسپۋبليكاسى ءى ءى م ينتەرپول ۇلتتىق ورتالىق بيۋروسىنىڭ سۇراۋى بويىنشا ساۋد ارابياسىنىڭ استاناسىندا 46 جاستاعى قازاقستان ازاماتى مۇحيت ومار ۇستالدى.

ونى اسا ءىرى كولەمدەگى الاياقتىق جاساعانى ءۇشىن قاراعاندى وبلىستىق ءى ءى د ىزدەپ جۇرگەن، دەپ حابارلادى ق ر ءى ءى م باسپا ءسوز قىزمەتى.

مۇحيت ومار 2006 -جىلدان 2008 -جىلعا دەيىن بالحاش ق. «AB Metalls» باسقارما ءتوراعاسى بولىپ بىرنەشە رەت وزىنە دەگەن سەنىمدى پايدالانىپ، الداۋ ارقىلى بىرەۋدىڭ مۇلكىن تارتىپ العان.

تەرگەۋ كەزىندە جاساندى قۇجاتتاردىڭ، سەنىمحاتتار مەن كەلىسىم شارتتاردا جالعان قولتاڭبا پايدالانىلعانى، سونىمەن قاتار ونىڭ وزگە دە زاڭسىز ارەكەتتەرى انىقتالدى.

كەلتىرىلگەن زالالدىڭ جالپى كولەمى 200 ميلليون تەڭگەدەن استى.

قازىر ۇستالعاندى ەكستراديتسيالاۋ ماسەلەسى شەشىلىپ جاتىر.