قازاقستاندىق ەسكەك ەسۋشى گەرمانياداعى الەم كۋبوگىندە قولا جۇلدەگە يە بولدى

500 مەترگە كانوەمەن جەكەلەي جارىستا قازاقستاندىق سەرگەي ەمەليانوۆ جۇلدەلى ءۇشىنشى ورىندى يەمدەندى.

ونىڭ قوس اعاسى ميحايل مەن تيموفەي دە كانوەدا ەسكەك ەسەدى.

اعاسى تيموفەيمەن بىرگە ول تالاي بەلەستى باعىندىردى، جاستار اراسىنداعى الەم چەمپيوناتىندا 200 م، 500 م، جانە  1000 م اراقاشىقتىقتا دەس بەرمەي، ءۇش التىنعا يە بولعان.

قازان ۋنيۆەرسياداسىندا 500 جانە 1000 مەترلىك قاشىقتىققا ەسكەك ەسۋدەن كۇمىس جۇلدەگە يە بولسا، ينچحوندا وتكەن ازيا ويىندارىندا سپورتشىمىز 1000 مەترلىك قاشىقتىقتا سىنعا ءتۇسىپ، ەكىنشى ورىنعا لايىقتى دەپ تانىلدى.