جەردى ساتۋ مەن جالعا بەرۋدىڭ اراسىندا سونشالىقتى ايىرماشىلىق تا جوق - د. كوشىم

استانا. قازاقپارات - جەردى ساتۋ مەن جالعا بەرۋدىڭ اراسىندا سونشالىقتى ايىرماشىلىق تا جوق. بۇگىن استاناداعى ۇلتتىق مۋزەيدە ءوتىپ جاتقان جەر رەفورماسى بويىنشا رەسپۋبليكالىق كوميسسيانىڭ وتىرىسىندا كوميسسيا مۇشەسى دوس كوشىم وسىلاي ءمالىم ەتتى.

 «جەرگە قاتىستى ءۇش ماسەلە بار: ءبىرىنشى ەكونوميكالىق تيىمدىلىك، ەكىنشى قازاق حالقىنىڭ مەنتاليتەتى مەن پسيحولوگياسى، ءۇشىنشى بۇرىنعى جەر رەفورماسىنىڭ ناتيجەسى. ءبىز قازىر قاپشاعايدىڭ جاعاسىنا بارىپ سۋعا تۇسە الماي، بالىق اۋلاي الماي قالدىق. الاكولدە، بالقاشتا دا جاعداي سولاي. قابانباي، بوگەنبايلار ءتىرىلىپ كەلسە دە وزدەرى قورعاعان جەردە ءوزى ەركىن جۇرە المايتىن ەدى. بۇل 2003 - جىلى جەرگە مەنشىك ەنگەننىڭ ناتيجەسىندە بولىپ وتىر»، - دەدى دوس كوشىم.

سونىمەن قاتار، كوميسسيا مۇشەسى جەردى ساتۋ مەن ونى جالعا بەرۋ اراسىندا ايىرماشىلىقتى تۇسىنە الماي وتىرعانىن جەتكىزدى. ونىڭ سوزىنە قاراعاندا، بۇندا ەشقانداي تا ايىرماشىلىق جوق.

«ەشكىم جەردى مەنشىكتەپ الىپ كەتە المايدى. بيلىك تە تارتىپ الا المايدى. 49 جىلعا جالعا بەرىلسە، سوسىن تاعى 49 جىلعا الۋعا بولادى. بۇل دا ماڭگىلىك دەۋگە بولادى. مەنىڭ ويىمشا، وسىنىڭ ءوزى ءبىر عانا تەرمين سەكىلدى «ساتۋ» جانە «جالعا الۋ» دەگەن. اسىپ بارا جاتقان ايىرماشىلىق تا جوق»، - دەدى د. كوشىم.

اۆتور: قانات مامەتقازى ۇلى