جەر كودەكسىنىڭ ءبىرقاتار نورمالارىنا موراتوريدى قامتىعان زاڭ جوباسى جاقىندا پارلامەنتكە تۇسەدى - ب. ساعىنتايەۆ

استانا. قازاقپارات - جەر كودەكسىنىڭ ءبىرقاتار نورمالارىنا موراتوريدى قامتىعان زاڭ جوباسى جاقىندا پارلامەنتكە تۇسەدى.

بۇگىن استاناداعى ۇلتتىق مۋزەيدە ءوتىپ جاتقان جەر رەفورماسى بويىنشا رەسپۋبليكالىق كوميسسيانىڭ وتىرىسىنداكوميسسيا ءتوراعاسى، ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ وسىلاي ءمالىم ەتتى.

 «6 - مامىرداعى ەلباسىنىڭ جارلىعىندا قازاقستان ۇكىمەتى زاڭنامالىق تۇزەتۋلەردى ىسكە اسىرۋعا باعىتتالعان شارالاردى جۇزەگە اسىرۋى كەرەك دەپ بەلگىلەنگەن بولاتىن. وسىعان بايلانىستى ايتا كەتەتىن ماسەلە، جەردىڭ ءبىرقاتار نورمالارىنا موراتوري جاريالاندى. ەندى ۇكىمەت وسىنى رەتتەۋ ءۇشىن زاڭعا وزگەرىستەر ەنگىزۋى كەرەك. وسىعان بايلانىستى، ۇكىمەت جەر كودەكسىنىڭ ءبىرقاتار نورمالارىنا 2016 -جىلدىڭ 31 - جەلتوقسانىنا دەيىن موراتوري ەنگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى ەلباسىنىڭ تاپسىرماسىن ىسكە اسىرۋ ءۇشىن ءتيىستى زاڭ جوباسىن ازىرلەدى. بۇل قۇجات پارلامەنتكە جولدانادى»، - دەدى پرەمەر- ءمينيستردىڭ ورىنباسارى.

ونىڭ ايتۋىنشا، پارلامەنتكە زاڭ جوباسى ءتۇسىپ، ونى دەپۋتاتتار قابىلداعاننان سوڭ ەلباسىنىڭ 2016 -جىلدىڭ 31 - جەلتوقسانىنا دەيىن جەر كودەكسىنىڭ رەزونانس تۋدىرعان نورمالارىنا موراتوري قامتاماسىز ەتىلەدى.

اۆتور: قانات مامەتقازى ۇلى