گەرمانيادا ەۋروپا قازاقتارىنىڭ كىشى قۇرىلتايى ءوتتى - فوتو
گەرمانيا، ۇلى بريتانيا، فرانسيا، ۆەنگريا، اۆستريا، شۆەيتساريا، شۆەتسيا، دانيا، نورۆەگيا، نيدەرلاند، تۇركيا، ا ق ش ەلدەرىندەگى ەتنيكالىق دياسپورانىڭ ەكى مىڭعا جۋىق وكىلدەرىنىڭ باسىن قوسقان ەۋروپا قازاقتارىنىڭ كەزەكتى كىشى قۇرىلتايى ءوتتى، دەپ حابارلايدى ق ر س ءى م باسپا ءسوز قىزمەتى.
قازاقستاننىڭ گەرمانياداعى ەلشىسى بولات ءنۇسىپوۆ قازاقستان رەسپۋبليكاسى پرەزيدەنتى نۇرسۋلتان نازاربايەۆتىڭ قۇتتىقتاۋ جولداۋىن وقىدى. ەلباسى قازاق دياسپوراسىن كەلە جاتقان قازاقستاننىڭ تاۋەلسىزدىگىنىڭ 25 جىلدىق مەرەيتويىمەن قۇتتىقتاپ، «ماڭگىلىك ەل» ۇلتتىق يدەياسىنىڭ كاعيدالارىنا سايكەس، انا ءتىلىن ساقتاۋ جانە دامىتۋ، مادەنيەت جانە ۇلتتىق سالت-ءداستۇردى، تاريحي وتانىمەن بايلانىسىن نىعايتۋ سياقتى ماسەلەلەردىڭ ماڭىزدىلىعىن اتاپ ءوتتى.
قازاقستاندىق ديپلومات مەملەكەت تاراپىنان قازاق دياسپوراسىن قولداۋ بويىنشا ۇلكەن جۇمىس جۇرگىزىلگەنىن حابارلادى. مىسالى، 2014-جىلى بەرليندە اشىلعان قازاق مادەني-ەكونوميكالىق ورتالىعىندا قازاق ادەبيەتىنىڭ كلاسسيكتەرى، قازىرگى زامانعى قازاق اۆتورلاردىڭ اديبەتتەرى، قازاقستاندىق جۋرنالدار مەن گازەتتەر، وقۋلىقتار، سوزدىكتەر، مەملەكەتتىك ءتىلدى وقىتۋعا ارنالعان وقۋ-ادىستەمە قۇرالدارى، سونىمەن قاتار باسپا ءسوز جانە ەلىمىز تۋرالى تانىمال ەلەكتروندىق ونىمدەر ۇسىنىلادى. وسى بارلىق ماتەريالدار قازاق دياسپورانىڭ وكىلدەرى ءۇشىن قولجەتىمدى جانە تالاپ ەتىلۋدە. 2010-جىلى بەرليندەگى گۋمبولد ۋنيۆەرسيتەتى جانىندا اشىلعان «قازاقستان جانە قازاق ءتىلى» قىزمەت ەتىپ جاتقان لەكتورات قازاق دياسپورىسىنىڭ جاستارىنا انا ءتىلىن ۇيرەنۋگە، قازاقستاننىڭ تاريحىن جانە قازىرگى زامانعى دامۋىمەن تانىسۋعا مۇمكىندىك بەرەدى.
نەمىس تاراپىنان بۋندەستاگ دەپۋتاتى، قانداستارىمىز گەنريح سەرتيك ءسوز سويلەپ، تۇرىپ جاتقان 800 مىڭ ەتنيكالىق نەمىستەر ءۇشىن تاريحي وتانىمەن بايلانىستاردىڭ قولداۋ جانە دامۋىنىڭ ماڭىزدىلىعىن اتاپ ءوتتى. گەرمانيادا تۇراتىن ەتنيكالىق قازاقتاردىڭ وزىندىك ەرەكشەلىكتەرىنە ول ەرەكشە نازار اۋداردى. گ. سەرتيك نەمىس حالقى قازاقتار ولاردى ءوز وتباسىنا قابىلداپ جانە اجالدان اراشالاپ الىپ قالۋ تۋرالى ءار قاشان ەستە ساقتاپ، قۇرمەتتەۋ بولاتىنىن اتاپ ءوتتى.
ەۋروپالىق قازاقتارى قوعامداستىعىنىڭ باسشىسى ابدۋل كايۋم كەسيچي ءوز سوزىندە ەۋروپالىق وتانداستاردىڭ باسقوسۋلارىن وتكىزۋ سوڭعى ون جىلدا جاقسى داستۇرگە اينالىپ وتىرعانىن اتاپ ءوتتى. ونىڭ باستى ماقساتى - ءوز ەلىنىڭ ۇلتتىق مۇراسى مەن مادەنيەتىن جاستاردىڭ ەستەرىنە سالۋ. مۇنداي كەزدەسۋلەردىڭ ءوز تاريحي وتانىنان الىس تۇراتىن قازاقتار ءۇشىن ۇلكەن ماڭىزى بار. ەڭ باستىسى - وسىنداي قۇرىلتايلاردىڭ وتانداستار ءۇشىن اسا وزەكتى ماسەلەلەردى تالداۋعا، ولاردى شەشۋگە مۇمكىندىك بەرەتىن ورىنعا اينالعاندىعى. ا. كەسيچي ەۋروپادا تۇراتىن قازاقستاردىڭ اتىنان قانداداستارعا جەكە قولداۋى جانە قامقورلىعى ءۇشىن ەلباسىنا العىس ءبىلدىردى.
قۇرىلتاي شەڭبەرىندە جاستار اراسىندا ءتۇرلى بايقاۋلار، سپورتتىق سايىستار، سۋرەتتەر كورمەسىنىڭ اشىلۋى، سونىمەن قاتار بالالار مەرەكەسى وتكىزىلدى.
تانىمال قازاق انشىلەردىڭ ورىنداۋىنداعى ءداستۇرلى جانە زاماناۋي مۋزىكا مادەنيەتىنىڭ ءبىرتۋما شىعارمالارى اتالعان شاراعا ەرەكشە ۇلتتىق ناقىش بەردى.
ەۋروپاداعى قازاق قاۋىمداستىعى 7 مىڭ ادام قۇرايدى. نەگىزىندە بۇل ەتنيكالىق قازاقتار، ولاردىڭ ارعى اتالارى كوپ جىلدار بۇرىن ءارتۇرلى ەلدەردەن گەرمانياعا كوشىپ كەلدى.