يتاليا بيلىگى بالالار جاردەماقىسىن ەكى ەسە ۇلعايتۋدى ۇسىنادى
09:15, 16 - مامىر 2016
استانا. قازاقپارات - يتاليا دەنساۋلىق ساقتاۋ ءمينيسترى بەاتريچە لورەنتسين وتباسىلاردىڭ كوبىرەك بالالى بولۋىن ىنتالاندىرۋ ءۇشىن بالالار جاردەماقىسىن ەكى ەسە ۇلعايتۋدى ۇسىندى،
دەپ حابارلادى بي- بي- سي.
La Repubblica گازەتىنە بەرگەن سۇحباتىندا مينيستر ەگەر جاعداي وزگەرمەيتىن بولسا، 10 جىلدان كەيىن يتاليادا بالا تۋۋ دەڭگەيى 2010 جىلعى كورسەتكىشپەن سالىستىرعاندا % 40 تومەندەيتىنىن ايتتى.
لورەنتسين بۇدان ءارى قارت ادامداردىڭ جانە سوزىلمالى سىرقاتقا ۇشىراعاندار سانىنىڭ ءوسۋى ۇلتتىڭ ازىپ- توزۋىنا اكەپ سوعاتىنىن ەسكەرتتى.
ونىڭ ۇسىنىسى بويىنشا، تابىسى تومەن جانە ورتاشا دەڭگەيدەگى وتباسىلار ءۇشىن قازىرگى اي سايىنعى 90 دوللار مولشەرىندەگى جاردەماقى ەكى ەسە ءوسىرىلۋى جانە كەيىنگى ءار بالا ءۇشىن ۇلعايا ءتۇسۋى ءتيىس.