سيۆي: قايرات نۇرتاستىڭ جاڭا فيلمىندە باستى ءرولدى ايەلى سومدايدى
ول فيلمدە قايرات نۇرتاستىڭ ايەلى مەن ءتورت بالاسىنىڭ وينايتىنىن ايتتى.
بۇل تۋرالى «31- ارنا» حابارلايدى.
تىلشىلەرمەن تىلدەسۋگە قولى تيمەي جۇرگەن قايرات نۇرتاس جاڭا بەينەبايان ءتۇسىرىپ جاتىر. اتالعان بەينەباياندا باستى ءرولدى حالىق كۇتكەندەي جۇبايى ەمەس، بەلگىسىز سۇلۋ سومدايدى. بۇدان كەيىن ءانشى ءتۇسىرىلىم جۇمىستارى شىلدە ايىنا جوسپارلانعان فيلمگە تۇسپەك.
«كينوعا كىرىسۋدەمىز. قازىر سەناريى جازىلىپ جاتىر. ونى ەكى اي بويى جازامىز دەپ جوسپارلاعان بولاتىنبىز. كوزدى اشىپ-جۇمعانشا ءبىر ايى ءوتىپ كەتتى. شىلدە ايىندا تۇسىرسەك، قاراشا-جەلتوقسان ايلارىندا كورەرمەن نازارىنا ۇسىنامىز. بۇل تۋىندىدا قايرات نۇرتاس باسقا قىرىنان تانىلادى. ال باسقا قۇپيالاردى ازىرگە ايتپاي قويا تۇرايىن»، - دەيدى گۇلزيرا ايداربەكوۆا.
پروديۋسەر جاسىرعانىمەن، بۇل قۇپيانى ونەر جۇلدىزدارى جاقسى بىلەتىن بولىپ شىقتى. قايرات نۇرتاستىڭ وتباسىمەن ەتەنە جاقىن ارالاساتىن سيۆي فيلمگە كىمنىڭ، قالاي ءتۇسىپ جاتقانىن ايتىپ بەردى.
«كوپ جىلدان بەرى جاسىرىپ كەلگەن سوڭ وزگەشە ەتىپ اشقىسى كەلەدى. گۇلزيرا اپامىز حالىقپەن تانىسسىن دەگەن ويمەن كينو ءتۇسىرىپ جاتىر. مۇنىمەن قاتار، اقشا جيناساق دەگەن دە ويلارى بار. سونشا جاسىرعان سوڭ ەڭبەكتەرى ەش كەتپەۋى كەرەك قوي. قۇداي قالاسا، كينودا جۇبايى مەن ءتورت بالاسى وينايدى. باستى ءرولدى قايراتتىڭ ايەلى مەن ءتورت بالا-شاعاسى سومدايدى»، - دەيدى سيۆي ماحمۇدي.
سيۆي قايراتتىڭ ايەلىنىڭ بۇل ءرولدى الىپ شىعا الاتىنىنا تولىقتاي سەنىمدى.
ءانشى 2013-جىلى «وكىنىش» اتتى ءومىرباياندىق تۋىندى ۇسىنعان. اتالعان فيلمدە اكە-شەشەسى مەن باۋىرلارى، ونەردەگى دوستارى ويناعان بولاتىن.