كوميسسيا مۇشەلەرىنىڭ جەر ماسەلەسىنە قاتىستى ايتقان ءاربىر پىكىرى ەسكەرىلۋى كەرەك - م. قۇل-مۇحاممەد

استانا. قازاقپارات - كوميسسيا مۇشەلەرىنىڭ جەر ماسەلەسىنە قاتىستى ايتقان ءاربىر پىكىرى ەسكەرىلۋى كەرەك.

جەر رەفورماسى بويىنشا كوميسسيانىڭ العاشقى وتىرىسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد ايتتى.

ول ءوز سوزىندە جەر رەفورماسىنا قاتىستى ماسەلەنىڭ تالقىلانۋىنا جارتى جىل ۋاقىت بار ەكەندىگىن، وسى رەتتە كوميسسيانىڭ ءاربىر مۇشەسى نە بولماسا بەلگىلى ءبىر توپتىڭ، پارتيانىڭ، قوعامدىق ۇيىمنىڭ، ۇكىمەتتىك ەمەس ۇيىمنىڭ وكىلى ءوز پىكىرلەرىن جازباشا نەمەسە اۋىزشا كوميسسيا وتىرىسىندا تالقىعا سالۋ كەرەك.

«بۇل 75 ادامدىق كوميسسيا بولعانىمەن ولاردىڭ ار جاعىندا 75 مىڭ ادامنىڭ مۇددەسى تۇر. ءتىپتى، 17 ميلليون حالىقتىڭ مۇددەسى تۇر دەۋگە دە بولادى. بۇل - بىرىنشىدەن. ەكىنشىدەن، ءبىز 100 پايىز داۋىس بەرىپ، 100 پايىز قول كوتەرەتىن كوممۋنيستىك زاماننان ءوتىپ كەتكەنبىز. دەموكراتيالىق ەلدەردىڭ بارلىعىندا كەز كەلگەن ماسەلەنى تالقىلاعان كەزدە كوپشىلىكتىڭ داۋىسىنا قاراي، ىڭعايىنا قاراي جىعىلادى. بۇل دا قوعامدا بار نارسە. ءبىراق، ازشىلىق داۋىس بولدى ەكەن دەپ كەيبىر ازاماتتاردىڭ حالىقتىڭ اتىنان ايتقان پىكىرلەرى ەسكەرىلمەۋ كەرەك دەگەن ءسوز ەمەس.

ءاربىر پىكىر ەسكەرىلۋى كەرەك. زاڭنىڭ ءاربىر بابى بويىنشا ەلباسىنىڭ ايتىپ وتىرعان تاپسىرماسى حالىقتىڭ ورتاسىنا بارىپ ءتۇسىندىرىلۋى ءتيىس. ەرتەڭ ول دا بولادى. ءارتۇرلى توپتىڭ پىكىرىن ورتاعا سالىپ، ءبارىمىز بىردەي سونى تالقىلاۋىمىز كەرەك. سولاردىڭ بارلىعى ەسكەرىلۋى قاجەت»، - دەدى م. قۇل- مۇحاممەد.

اۆتور: مارلان جيەمباي