سوعىستان كەيىن 50 جىلىن ءبىلىم بەرۋ سالاسىنا ارناعان سۇلتان دوسمۇراتوۆ اقساقال ءالى دە تىڭ كورىنەدى. مەرەكە قارساڭىندا قالادا تۇراتىن كەنجە ۇلى كەنجەبەكتىڭ ۇيىنە قوناققا كەلگەن قارت ۇستاز نەگىزىنەن تۋعان جەرى - ايتەكە ءبي اۋدانىنداعى بالالارىنىڭ شاڭىراقتارىندا بولعاندى ءجون سانايدى.
«اۋىلدىڭ اۋاسى دا تازا، ونىڭ ۇستىنە ۇنەمى اعارعان ىشكەندى ۇناتامىن»، - دەيدى سۇلتان اتا.
گازەت-جۋرنالدى ءالى دە كوزاينەكسىز وقيتىن ول قال-جاعدايىن سۇراعان ءوڭىر باسشىسىنا ۇنەمى قوزعالىستا بولعاندى جاقسى كورەتىنىن، مۇزداي سۋمەن جۋىناتىنىن ايتتى.