قازاقستاننىڭ ەڭ باي ون ادامى انىقتالدى
بۇل تۋرالى ztb.kz سايتىنا سىلتەمە جاساپ NUR. KZ پورتالى حابارلايدى.
بۇل رەيتينگتە العاشقى ورىندى، ادەتتەگىدەي «ۆەرنىي كاپيتال» ينۆەستيتسيالىق كومپانياسىنىڭ يەسى بولات وتەمۇراتوۆ يەلەندى. سونىمەن، ەلىمىزدىڭ ەڭ باي ادامدارى كىمدەر؟
بولات وتەمۇراتوۆ
قازاقستاندىق كاسىپكەر وتەمۇراتوۆتىڭ بايلىعى وتكەن جىلعىمەن سالىستىرعاندا 100 ميلليون تەڭگەگە ارتا تۇسكەن. بۇگىندە ونىڭ مۇلىكتەرى 2,4 ميلليارد دوللارعا باعالانىپ وتىر.
وتەمۇراتوۆ - قازاقستان تەننيسى فەدەراتسياسىنىڭ پرەزيدەنتى، ITF (International Tennis Federation) ديرەكتورلار كەڭەسىنىڭ مۇشەسى، كاسىپكەر، ديپلومات.
سونىمەن قاتار، ول الماتىدا جانە استانادا بالالارعا ارنالعان Haileybury مەكتەپتەرىنىڭ نەگىزىن قالاۋشى. ونىڭ العاشقى ءىرى جوباسى - «ا ت ف بانكىنىڭ» دامۋى. بىرنەشە جىل ىشىندە كوتەرىلگەن بانكتىڭ بۇگىندە 160 بولىمشەسى بار.
تيمۋر مەن دينارا قۇلىبايەۆتار
ەكىنشى جانە ءۇشىنشى ورىنعا قۇلىبايەۆتار وتباسى جايعاستى. ولار دا داعدارىسقا قاراماستان، ءبىر جىل ىشىندە 100 ميلليون تەڭگەگە بايي تۇسكەن. ولاردىڭ مۇلكى بۇگىندە 2,1 ميلليارد دوللارعا باعالانىپ وتىر.
«قازاقستان حالىق جيناق بانكىن» باقىلايتىن «المەكس» توبى قۇلىبايەۆتارعا تيەسىلى.
ءادىلجان يبراگيموۆ
ERG (بۇرىنعى ENRC) قوجايىندارىنىڭ ءبىرى رەيتينگتە ءتورتىنشى ورىنعا جايعاستى. ونىڭ بايلىعى 1,8 ميلليارد دوللاردى قۇرايدى.
ءادىلجان يبراگيموۆ 1989-جىلدان باستاپ قازاقستاندا ءوز كاسىبىن اشقان. ەۋرازيالىق بانكتىڭ ديرەكتورلار كەڭەسىنىڭ ءتوراعاسى بولعان. 2002-جىلدان باستاپ «قازحروم» پرەزيدەنتى. كاسىپكەر - «ەۋرازيالىق ۇشتىكتىڭ» جالعىز قازاقستاندىق وكىلى.
ۆلاديمير كيم
بەسىنشى ورىندا - مىس ماگناتى ۆلاديمير كيم. ونىڭ مۇلكى 1,7 ميلليارد دوللاردى قۇرايدى. ول جىل ىشىندە تاعى 300 ميلليونعا بايي تۇسكەن.
ول - قىمبات مەتالدار وڭدەۋمەن اينالىساتىن «KAZ Minerals» توبىنىڭ پرەزيدەنتى ءارى ءىرى اكتسيونەرى.
نۇرجان سۇبحانبەردين
جازۋشى سالكەن سۇبحانبەرديننىڭ ۇلى نۇرجان - «قۇس جولى» قايىرىمدىلىق قورى كەڭەسىنىڭ مۇشەسى ءارى «قاز كوممەرتس بانك» ديرەكتورلار كەڭەسىنىڭ ءتوراعاسى. مۇناي اكتيۆتەرىن يەلىك ەتەدى. توعىز بالاسى بار (ەكى ۇلى جانە جەتى قىزى). ايەلى جاننا سۇبحانبەردينا Fidelity فيتنەس جەلىسىن يەلىك ەتەدى.
كەڭەس راقىشەۆ
كەڭەس راقىشەۆ - ينۆەستور، اكتسيونەر ءارى «قاز كوممەرتس بانك»، SAT Company, Net Element ديرەكتورلار كەڭەسىنىڭ مۇشەسى. SingulariTeam جاھاندىق قورىنىڭ نەگىزىن قالاۋشىلاردىڭ ءبىرى.
ايگۇل نۇريەۆا
الماتى ەكونوميكا جانە ستاتيستيكا اكادەمياسىنىڭ بۇرىنعى رەكتورى مارات نۇريەۆتىڭ قىزى. ايگۇلدىڭ ەڭ تابىستى اكتيۆى - «قازاق تەلەكوم».
راشيت سارسەنوۆ
راشيت سارسەنوۆ - «ماڭعىستاۋ مۇناي گاز» قوعامى باقىلاۋشى كەڭەسىنىڭ ءتوراعاسى، كاسپي ۋنيۆەرسيتىنىڭ قۇرىلتايشىسى، «ۆيكتوريا» قوعامى ديرەكتورلار كەڭەسىنىڭ ءتوراعاسى.
داۋرەن جاقسىبەك
جاقسىبەكوۆتەر وتباسىنا «سەسنا» كومپانياسىنىڭ توبى تيەسىلى. اتالمىش توپقا سەسنا بانك، «كونتسەرن «سەسنا-استىق»، «مەدەت-حولدينگ»، «سەسنا-كاپيتال» جانە «سەسنا- گارانت» كىرەدى.