فيليپپين تاعىنا قىلمىسكەرلەردى سوتسىز جازالايتىن باسشى وتىردى
11:20, 12 - مامىر 2016
استانا. قازاقپارات- فيليپپيندە وتكەن پرەزيدەنت سايلاۋىندا رودريگو دۋتەرتە جەڭىسكە جەتتى. جاڭا پرەزيدەنت ەلدە قاتاڭ ءتارتىپ ورناتىپ، قىلمىسكەرلەرمەن اياۋسىز كۇرەس جۇرگىزبەك نيەتتە،
دەپ حابارلايدى Euronews.com.
«ادام قۇقىعىنا قاتىستى زاڭداردى ۇمىتىڭدار! مەن پرەزيدەنت سارايىنا كىرىپ وتىرمىن. سوندىقتان مەن مەر بولعان كەزدە نەنى ىستەسەم، پرەزيدەنت قىزمەتىندە دە سول ارەكەتىمدى ىستەيمىن»، - دەدى سايلاۋ كەزىندە رودريگو دۋتەرتە.
ايتا كەتەيىك، رودريگو دۋتەرتە داۆاو قالاسىندا 22 جىل مەر (قالا باستىعى) قىزمەتىن اتقارعان. حالىق وعان قىلمىسكەرلەردى تەرگەۋسىز جانە سوتسىز جازالاعانى ءۇشىن «جازاقور» دەگەن ات بەرگەن. ال وپپونەنتتەر جاڭا پرەزيدەنتتى ەلدە ديكتاتۋرا ورناتۋى مۇمكىن دەپ كۇدىكتەنىپ وتىر.