شەين موزلي گولوۆكين مەن الۆارەس قاشان جۇدىرىقتاساتىنىن ايتتى
بۇل تۋرالى vesti.kz سايتىنا سىلتەمەمەن massaget.kz حابارلاپ وتىر.
تانىمال بوكسشىنىڭ جازۋى بويىنشا، جەكپە-جەك 17- قىركۇيەككە جوسپارلانىپتى. ول بۇل اقپاراتتىڭ شىندىققا جاناساتىنىن، سونداي-اق ونى ءوزى العاش بولىپ حابارلاپ وتىرعانى تۋرالى دا جازدى.
- «كانەلو» جانە GGG - 17- قىركۇيەك! مەنىڭشە، قىركۇيەك ايىندا بۇل جەكپە-جەككە تەڭ كەلەر كەزدەسۋ وتە قويماس. جىل جەكپە-جەگى بولادى. «Golden Boy Promotions» اتقارعان كەرەمەت جۇمىس!
- سىزدەر «كانەلو» مەن GGG كەلىسىمگە كەلگەنىن ءالى ەستىمەگەن بولارسىز؟ كەلىسسوزدەر اياقتالدى. ءسىز مۇنى ءبىرىنشى بولىپ وقىپ وتىرسىز. مەنىڭ جەكپە-جەگىم 28- مامىر كۇنى وتەدى. ال «كانەلو» مەن GGG - 17- قىركۇيەكتە، - دەپ جازدى شون موزلي.
ايتا كەتەيىك، 7- مامىر كۇنى ساۋل الۆارەس لاس-ۆەگاستا امير حانعا قارسى جەكپە-جەك وتكىزىپ، WBC تۇجىرىمى بويىنشا چەمپيوندىق اتاعىن قورعاپ قالعان بولاتىن. ەندى WBC ەرەجەسىنە سايكەس مەكسيكالىق قازاقستاندىق بوكسشىمەن كەزدەسۋى ءتيىس. قوس بوكسشى پروموۋتەرلەرىنىڭ كەلىسسوزدەر جۇرگىزۋىنە جارتى ايعا جۋىق ۋاقىت بار.