مۇنايعا باي قازاقستان الدىنا باتىل ماقسات قويدى
بۇل تۋرالى ب ۇ ۇ باس اسسامبلەياسىندا ەلدىڭ سىرتقى ىستەر ءمينيسترى ەرلان ىدىرىسوۆ مالىمدەدى، - دەپ حابارلايدى ر ي ا نوۆوستي.
بىزدىڭ ەل ءداستۇرلى ەنەرگەتيكالىق قورى كوپ مەملەكەت رەتىندە تانىلعان بولسا دا، ءبىز «جاسىل ەكونوميكانى» دامىتۋدى جاقتايمىز. ءبىز 2050-جىلى ەلەكتر ەنەرگياسىنىڭ 50 پايىزىن قازبالى ەمەس وتىن تۇرلەرىنەن ءوندىرۋ تۋرالى باتىل ماقسات قويىپ وتىرمىز»، - دەپ مالىمدەدى قازاقستان س ءى م باسشىسى.
ديپلومات قازاقستاننىڭ جىل سوڭىنا دەيىن كليمات جونىندەگى پاريج كەلىسىمىنە قول قوياتىنىن ايتىپ سەندىردى. ىدىرىسوۆ 2017-جىلى استانادا تاقىرىبى بولاشاق ەنەرگياسى بولاتىن EXPO 2017 حالىقارالىق كورمەسى وتەتىنىن ەسكە سالدى. ونىڭ ايتۋىنشا، بۇل فورۋم - «پاريج كەلىسىمىنە قول قويۋدان كەيىنگى تاريحي ءىرى شارا».
ايتا كەتەيىك، 2015-جىلدىڭ جەلتوقسانىندا 195 ەل مەن ەۋرووداق پاريجدە كليمات جونىندەگى جالپىعا ورتاق مىندەتتى كەلىسىمگە كەلگەن بولاتىن. بۇل قۇجات 2020-جىلدان كەيىن قالدىق گازداردىڭ كولەمىن جانە كليمات وزگەرىستەرىنىڭ الدىن الۋدىڭ شارالارىن انىقتايدى.