باكۋدە قازاقستاندىق ديپلوماتتار جەڭىس كۇنىن مەرەكەلەۋگە قاتىستى - فوتو
09:24, 10 - مامىر 2016
باكۋ. قازاقپارات - كەشە باكۋدە قازاقستاننىڭ ازەربايجانداعى ەلشىلىگىنىڭ ۇجىمى وتباسىلارىمەن بىرگە ەلشى بەيبىت يسابايەۆتىڭ باسشىلىعىمەن جەڭىستىڭ 71 جىلدىعىنا وراي وتكىزىلگەن شاراعا، سونداي-اق جىل سايىنعى ءداستۇرلى باۋىرلاستار قورىمىنا گۇل شوقتارىن قويۋ شاراسىنا قاتىستى.
ءىس-شارا جاۋىنگەرلەر داڭقى مەموريالىندا ءوتتى.
سالتاناتتى شاراعا ازەربايجاندا اككرەديتتەلگەن ت م د ەلدەرىنىڭ ەلشىلەرى، قوعام وكىلدەرى، پارلامەنت دەپۋتاتتارى جانە سوعىس ارداگەرلەرى قاتىستى.
سوعىس جىلدارى قيىنشىلىققا قاراماستان ازەربايجاندىق مۇنايشىلار جانقيارلىقتىڭ ۇلگىسىن كورسەتىپ مايداندى جانارمايمەن قامتاماسىز ەتىپ تۇردى. ازەربايجان گوسپيتالدەرىندە 1,5 ميلليوننان استام جارالى ادامدى ەمدەلدى.
سالتاناتتى شاراعا ازەربايجاننىڭ پرەزيدەنتى يلحام اليەۆ تە قاتىستى. مەملەكەت باسشىسى ەكى مارتە كەڭەس وداعىنىڭ باتىرى، گەنەرال-مايور ءازي اسلانوۆتىڭ ەسكەرتكىشىنە گۇل شوقتارىن قويدى. ي. اليەۆ ۇلى وتان سوعىسىنىڭ ارداگەرلەرىمەن جانە جينالعان قاۋىممەن كەزدەستى.