سوعىس قاھارماندارى. باتىرلار ەسىمدەرى ەشقاشان ۇمىتىلمايدى - فوتورەپورتاج

استانا. قازاقپارات - ادامزات تاريحىنداعى ەڭ سۇراپىل دا زۇلماتتى كەزەڭنىڭ ءبىرى - ەكىنشى دۇنيەجۇزىلىك سوعىس.

كەڭەس وداعىندا 1941 -جىلى باستالىپ، 4 جىلعا سوزىلعان سوعىستا 35 ميلليون ادام ۇرىسقا تىكەلەي قاتىستى. 1418 كۇنگە جالعاسقان سوعىستىڭ اقىرعى نۇكتەسى 1945 -جىلدىڭ 9 -مامىرىندا قويىلدى.

دۇنيە ەلدەرىن شارپىعان سوعىستان سول تۇستاعى ك س ر و قۇرامىنداعى قازاقستان دا تىس قالعان جوق. سۇراپىل سوعىسقا قازاقستاننان 1 ميلليون 200 مىڭ جاۋىنگەر مايدانعا اتتانعان. قازاقستان ازاماتتارى ۇرىستاردىڭ العى شەبىندە ەرەن ەرلىك كورسەتتى. اتتانعانداردىڭ 600 مىڭنان استامى نەمەسە تەڭ جارتىسى سوعىستان قايتىپ ورالمادى. قازاقستاندىق 500 گە جۋىق جاۋىنگەر كەڭەس وداعىنىڭ باتىرى اتاندى. سونىمەن قاتار 142 قازاقستاندىق داڭق وردەنىنىڭ تولىق يەگەرى اتانسا، كەڭەس وداعىنىڭ وردەن، مەدالدارىمەن ماراپاتتالعان قازاقستاندىقتار سانى 100 مىڭعا جۋىقتايدى.