اسكەري قىزمەتتەگى نازىك جاندىلار مەرەكەلىك اۆتو شەرۋ ۇيىمداستىردى

استانا. قازاقپارات - كەشەگى مەرەكەگە وراي، ق ر قارۋلى كۇشتەرىنىڭ قاتارىندا قىزمەت ەتەتىن قىز- كەلىنشەكتەر ەر ازاماتتاردى ەرەكشە قۇتتىقتادى، دەپ حابارلادى 24.kz.

سالتاناتتى فورما كيگەن نازىك جاندىلار اۆتو شەرۋ وتكىزدى. كەنەسارى ەسكەرتكىشى ماڭىنان باستالعان مەرەكەلىك شەرۋگە 30 عا جۋىق ارۋ قاتىستى.

استانانىڭ تاسجولدارىمەن ءجۇرىپ وتكەن ارنايى كورتەج «بايتەرەك» مونۋمەنتىنە ات باسىن تىرەپ، ءوز ونەرىن كورسەتكەن سوڭ، «حان شاتىرعا» جول تارتتى.

قارلىعاش اسىلبەكوۆا، ق ر قورعانىس مينيسترلىگىنىڭ اسكەري قىزمەتكەرى: - وتان قورعاۋشى كۇنى ەلدىڭ قورعانى بولىپ جۇرگەن ەر ازاماتتارىمىزدى شىن جۇرەكتەن قۇتتىقتاعىمىز كەلەدى.