بۇل تۋرالى دۋبايدا اراب تىلىنەن بەسىنشى حالىقارالىق كونفەرەنتسيادا ب ا ءا- ءنىڭ ۆيتسە-پرەزيدەنتى، ەلدىڭ پرەمەر-ءمينيسترى، دۋباي امىرلىگىنىڭ بيلەۋشىسى شەيح موحاممەد بين راشيد ءال ماقتۋم مالىمدەدى.
«ەگەر ءبىز عىلىم، ماتەماتيكا جانە مەديتسينالىق كىتاپتار تاريحىنا جۇگىنسەك، ولاردىڭ كوبى اراب تىلىندە جازىلىپ، باسقا تىلدەرگە اۋدارىلعانىن كورەمىز»، - دەدى شەيح موحاممەد. ول سونداي-اق اراب تىلىنەن اتاۋلى سىيلىقتىڭ بىرنەشە جەڭىمپازىن ماراپاتتادى.
شۆەيتساريادا ورنالاسقان «دار ءال فاراح» ينستيتۋتى اراب ءتىلىن ەكىنشى ءتىل رەتىندە وقىتۋدىڭ ۇزدىك باعدارلاماسى ءۇشىن ماراپاتتالدى. ساۋد ارابياسىنىڭ جوعارى ءبىلىم سالاسىنداعى باعالاۋ بويىنشا ۇلتتىق ورتالىعى اراب ءتىلىن باكالاۆريات دەڭگەيىندە وقىتۋدىڭ ۇزدىك باستاماسى ءۇشىن ماراپاتتالدى.
دۋباي ءامىرشىسىنىڭ ايتۋىنشا، قازىرگى كەزدە باسقا شەتەلدەردە ءالى كۇنگە دەيىن پايدالانىلىپ وتىرعان كوپتەگەن اراب سوزدەرىن تابۋعا بولادى. «بۇل اراب ءتىلىنىڭ ورامدىلىعى مەن بەيىمدەلگىشتىگىنىڭ ارقاسىندا بولىپ وتىر»، - دەدى امىرلىك بيلەۋشىسى.