الەمنىڭ ۇزدىك جاعاجايلارى بەلگىلى بولدى

بۇل تۋرالى ەكولوگيالىق جانە تۇتىنۋشىلىق اعارتۋ قاۋىمداستىعى (ADEAC) تاراتقان حابارلامادا ايتىلادى، دەپ جازادى لەنتا. رۋ.

بيىلعى جىلى يسپانيا FEE- دەن جالپى العاندا 586 كوگىلدىر جالاۋ الدى. بۇل ەرەكشەلىك بەلگىسى جىل سايىن ءتورت ولشەم - سۋدىڭ ساپاسى، ەكولوگيالىق ءبىلىم جانە دەمالۋشىلارعا ارنالعان اقپارات، قورشاعان ورتانى قورعاۋ جانە قاۋىپسىزدىكتى قامتاماسىز ەتۋ بويىنشا ىرىكتەلىپ بەرىلەدى. وسىلايشا، ەل 2015-جىلى 577 كوگىلدىر جالاۋ الىپ، قول جەتكىزگەن الەمدىك رەكوردىن جاڭارتتى.

ەل ىشىندە جاعاجايلاردىڭ ساپاسى بويىنشا ۆالەنسيا (125 جالاۋ) كوش باستادى، ەكىنشى ورىندى گاليسيا (123) الدى، ءۇشىنشى ورىن كاتالونياعا (98) بۇيىردى، ءتورتىنشى ورىندا - اندالۋسيا (75)، ال بەسىنشى ورىن - بالەار ارالدارىنا (45) بۇيىردى.

جاھاندىق رەيتينگتە ەكىنشى ورىندى 444 جالاۋ جيناعان تۇركيا الدى، ودان كەيىن گرەكيا (430 جالاۋ)، ءتورتىنشى ورىندا 400 جالاۋمەن فرانسيا تۇر. ۇزدىكتەر بەستىگىن 315 سەرتيفيكات جيناعان پورتۋگاليا تۇيىقتاپ وتىر.