زيابەك قابىلدينوۆ: ەلباسى شەشىمى قوعامداعى تۇراقتىلىقتى بەكەمدەيدى

استانا. قازاقپارات - جەر كودەكسىنە ەنگىزىلگەن ءبىرقاتار وزگەرىسكە موراتوري جاريالانۋى قوعامداعى تۇراقتىلىقتى بەكەمدەيدى.

«حالىقتار بىرلىگى» قوعامدىق قورىنىڭ جەتەكشىسى زيابەك قابىلدينوۆ وسىلاي دەيدى. ونىڭ ايتۋىنشا، مەملەكەت باسشىسىنىڭ شەشىمى ۋاقتىلى قابىلداندى. ەندى حالىق جەردىڭ جالعا بەرىلمەيتىنىن جانە ساتىلمايتىنىن ءتۇسىنۋى كەرەك.

زيابەك قابىلدينوۆ، تاريح عىلىمدارىنىڭ دوكتورى، پروفەسسور:

- ەلباسى ءبىزدىڭ پارلامەنتكە جانە ۇكىمەتتىك ەمەس ۇيىمدارعا، حالىققا، قوعامعا «وسى پروبلەمانى ءبىر جىلداي تالقىلاڭىزدار، قانداي ناتيجەگە كەلەسىزدەر، سول كەزدە شەشىم قابىلداۋعا بولادى» دەپ ايتتى. ول -  قۋاناتىن حابار. سوندىقتان ول ءبىزدىڭ ۇلتتىڭ بىرلىگىنە، اماندىعىنا، تاتۋلىعىنا شاقىرادى، سوعان الىپ كەلەدى دەپ ويلايمىن.

www.24.kz