ءبىزدىڭ مينيسترلەر جۋرناليستەردەن قاشقاندا، الدىنا جان سالمايدى - ن. نازاربايەۆ
«ءبىز ەكونوميكالىق ىنتىماقتاستىق جانە دامۋ جونىندەگى ۇيىمنىڭ ستاندارتتارىنا تالپىنىپ، الەمدەگى ەڭ دامىعان 30 ەلدىڭ قاتارىنا قوسىلامىز دەگەن ماقسات ۇستانىپ وتىرمىز. بۇل ۇيىمداعى، جالپى، دامىعان ەلدەردىڭ ەڭ ءبىر جاقسى ستاندارتى - بۇنداي ەلدەردىڭ ۇكىمەتى حالىق الدىنا كۇندە شىعادى، ۇكىمەت مۇشەلەرىنىڭ بارلىعى قوعام الدىندا قۇرداي جورعالايدى. ول ەلدەردىڭ مينيسترلەرى ءبىر ماسەلە تۋىنداي قالسا، جەدەل پىكىر بىلدىرەدى. ال، بىزدە قالاي؟ مەنىڭ ايتارىم، بريفينگكە كەلىپ، جۋرناليستەردىڭ الدىندا قاعازعا جازىلعان ءماتىندى وقىپ بەرۋ - اقپاراتتىق جۇمىس ەمەس. ءبىزدىڭ مينيسترلەر بريفينگتەردە جۋرناليستەردەن قاشقاندا، الدىنا جان سالمايدى، قاراپايىم سۇراققا جاۋاپ بەرمەيدى»، - دەپ قاداپ ايتتى ن. نازاربايەۆ.
مەملەكەت باسشىسى ن. نازاربايەۆ قازىر ءاربىر مينيسترلىك ءوز سالاسىنداعى ساياساتتى تۇسىندىرەتىن اقپاراتتى ورگانعا اينالعانىن، سوندىقتان، قوعامنان «تىعىلۋ» ءتيىمسىز جۇمىستىڭ باستى سەبەبى ەكەنىن اتاپ ءوتتى.
«قازىر ءبىز مينيسترلىكتەردى بەلگىلى ءبىر سالاداعى ساياساتتى جۇرگىزەتىن ورگان قىلدىق. ساياساتكەر حالىقپەن سويلەسىپ، قوعامنىڭ سەنىمىن جاۋلاپ الۋى كەرەك. حالىقپەن ءجيى- ءجيى كەزدەسكەن دۇرىس...»، - دەدى پرەزيدەنت.
اۆتور: كەنجەكەي توقتامۇرات قىزى