ب ا ءا ءشول ورتاسىندا جاساندى تاۋ تۇرعىزباق

استانا. قازاقپارات - بىرىككەن اراب امىرلىگى تاۋ تۇرعىزىپ، جاۋىن شاقىرىپ، كليماتتى وزگەرتۋگە نيەتتى.

تاۋ «قۇرىلىسى» ءشولدى جەرگە جاۋىندى تارتۋعا كومەكتەسەدى، دەپ حابارلادى hi-news.ru.

ب ا ءا ۇكىمەتى ۋنيۆەرسيتەتتىك اتموسفەرالىق زەرتتەۋلەر كورپوراتسياسى مەن مەتەورولوگيا مەن سەيسمولوگيانى زەرتتەۋ بويىنشا اراب ۇلتتىق ورتالىعىنا جۇگىندى. ولار تاۋ تۇرعىزۋ مۇمكىندىگىن جانە بۇل ءۇشىن قولايلى جەردى قاراستىرادى. قازىر عالىمدار تاۋدى سالۋ مۇمكىن بە، جوق پا ەكەنىن، جاۋىندى شاقىرتۋ ءۇشىن تاۋدىڭ بيىكتىگى قانشا بولۋ كەرەكتىگىن انىقتاپ جاتىر.

ب ا ءا- دا تاۋ قۇرىلىسى باستالعانعا دەيىن NCAR عالىمدارى مەن زەرتتەۋشىلەرى اتالعان جوبانىڭ قۇنىن ەسەپتەپ، ونى جۇزەگە اسىرۋ مۇمكىندىگىن قاراستىرۋى قاجەت. ەگەر ەل ۇكىمەتى بۇل اۋقىمدى جوبانى ەل بيۋدجەتى كوتەرەتىنىنە كوز جەتكىزگەن سوڭ عانا ينجەنەرلەر كومانداسى ونى جۇزەگە اسىرۋعا كىرىسەدى.