ق ر ق ك قۇرلىق اسكەرلەرىنىڭ اۋقىمىندا ءا ش ق ق اسكەرلەرىنىڭ بولىمشەلەرىندە سايىس اياقتالدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
وندا رەسەي فەدەراتسياسىنىڭ اۋماعىندا وتكىزىلەتىن «اشىق اسپان-2016» حالىقارالىق ارميا ويىندارىنا قاتىسۋ ءۇشىن ز ق ز ك، زۋ-23-2 ۇزدىك ەسەپ توپتارى مەن بولىمشەلەرى انىقتالدى. جارىسقا 50-گە جۋىق ادام قاتىستى.
كوماندالاردى «وڭتۇستىك»، «شىعىس»، «باتىس» وڭىرلىك قولباسشىلىقتارى مەن ق ر ق ك ايەروۇتقىر اسكەرلەرى ۇسىندى. سايىس 5 كەزەڭدە ءوتتى.
7,2 شاقىرىمدىق تۇيىقتالعان باعدار بويىنشا زەنيتتىك بولىمشەلەردىڭ سپرينتەرلىك جارىسى، ماشينالار جىلدامدىق ۋچاسكەسىنەن، يرەلەڭنەن، سەگىزدىكتەن، ب ت ر نىسانالارى بويىنشا اتىس ۋچاسكەسىنەن، تىكۇشاق جانە ت. ب. ءوتتى.
تاسىمالداناتىن زەنيتتىك زىمىراندىق كەشەندەر بولىمشەلەرىنىڭ سپرينتەرلىك جارىسى 13,2 شاقىرىمدىق باعدار بويىنشا ءوتتى. وندا شارتتى تىكۇشاقتىڭ نىسانالارى، اۋە نىسانالارىنىڭ يميتاتورلارى بويىنشا اتىس جۇرگىزىلدى.
زەنيتتىك بولىمشەلەردى قۋدالاۋ جارىسى 8,9 شاقىرىمعا، ز ق ز ك بولىمشەلەرىن قۋدالاۋ جارىسى 17,2 شاقىرىمعا سوزىلدى. زەنيتتىك بولىمشەلەر مەن ز ق ز ك بولىمشەلەرىنىڭ قۇرامداستىرىلعان ەستافەتاسى شەشۋشى كەزەڭ بولدى. قورىتىندىسى بويىنشا ۇزدىك بولىمشەلەر ىرىكتەلدى. ايەروۇتقىر اسكەرلەرىنىڭ اسكەري قىزمەتشىلەرى ءبىرىنشى، «شىعىس» ءو ڭ ق ەكىنشى، «وڭتۇستىك» ءو ڭ ق ءۇشىنشى، «باتىس» ءو ڭ ق اسكەري قىزمەتشىلەرى ءتورتىنشى بولدى.
ءارى قاراي اسكەرلەردە حالىقارالىق كەزەڭگە دايىندىق وتەدى. رەسەي فەدەراتسياسىنداعى سايىسقا اتتاناتىن جەڭىمپازدار مەن قاتىسۋشىلار اعىمداعى جىلدىڭ ماۋسىمىندا انىقتالادى.