دەپ جازادى 24.kz.
ءتىپتى وسىعان بايلانىستى بالانىڭ جىنىسىن انىقتاۋ مۇمكىن بولماعان. مەديتسينا تىلىندە سيرەنومەليا («سيرەنا» - لات. سۋ پەرىسى) سيندرومى اتالاتىن دەرتكە شالدىققان شاقالاق نەبارى 10 مينۋت عانا ءومىر ءسۇرىپ شەتىنەگەن، دەپ حابارلايدى Daily Mail. جالپى سيرەنومەليا - دەنەنىڭ تومەنگى بولىگىنىڭ ءبىرتۇتاس بولۋى دەرتى.
كەلىنشەكتى بوساندىرعان گينەكولوگ ۆاندانا اريا بىلاي دەيدى: «دەنە كەمىستىگى بار تالاي ءسابيدىڭ دۇنيەگە كەلگەنىن كوردىم. ءبىراق، بۇل جولى تۋىلعان شاقالاقتىڭ ءجونى بولەك بولدى. ونىڭ دەنە ءپىشىنى بالىققا وتە ۇقساس بولىپ، قولدارىن بالىق قاناتىن قالاي سەرمەسە، ول دا سولاي قوزعالتتى. دەنەسىنىڭ ۇستىڭگى بولىگى ساپ- ساۋ بولىپ تۋىلىپ، تومەنگى جاعى دامۋسىز قالعان بولىپ شىقتى» .
ءسابيدىڭ اناسى جۇكتىلىكتىڭ 30 اپتاسىنا دەيىن ەشنارسەگە شاعىمدانباعان. ال ودان سوڭ ۋلترادىبىسپەن زەرتتەۋ كەزىندە بالانىڭ بۇيرەكتەرى دامىماي قالعانى بەلگىلى بولىپتى. دارىگەرلەردىڭ ايتۋىنشا، سۋ پەرىسى سيندرومىنا كەلەسى جايتتەر سەبەپ بولۋى مۇمكىن: ءدارى- دارمەكتى جۇكتىلىك كەزىندە شەكتەن تىس كوپ ءىشۋ، دارۋمەن جەتىسپەۋشىلىگى، تۇقىم قۋالاۋ، ديابەت.