قۇربان ايت قارساڭىندا ەرەكشە مەشىت اشىلادى
08:08, 04 - مامىر 2016
استانا. قازاقپارات - سينگاپۋر مەملەكەتىندەگى مۇسىلماندار ىسىنە جاۋاپتى ءمينيسترى ياكۋب يبراگيم ەلدىڭ باس مەشىتىنىڭ قۇرىلىسى 90 پايىزعا اياقتالعانىن مالىمدەدى. قۇلشىلىق ورداسىنىڭ اشىلۋى سالتاناتى قىركۇيەك ايىنا جوسپارلانىپ وتىر، دەپ حابارلادى muslim.kz.
2500 شارشى مەتر جەرگە ورنالاسقان ورتالىق مەشىتتىڭ سىيىمدىلىعى 4500 ادامعا ارنالعان. سونداي-اق، مەشىتتىڭ باستى ەرەكشەلىگى بالالار مەن انالارعا جاعداي جاسالۋىندا بولىپ وتىر. مەشىت اۋماعىندا ويىن الاڭى جانە ەمىزۋلى ءسابيى بار انالارعا ارنالعان بولمەلەر قاراستىرىلعان.