ە. ىدىرىسوۆ قىتاي، رەسەي، وڭتۇستىك كورەيا، قىرعىزستان جانە تۇركيا ەلدەرىندەگى ارىپتەستەرىمەن ەكى جاقتى كەزدەسۋلەر وتكىزدى - فوتو
كەزدەسۋلەر ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە مۇشە-مەملەكەتتەر سىرتقى ىستەر مينيسترلەرىنىڭ 5- كەزدەسۋى الاڭىندا ءوتتى.
ە. ىدىرىسوۆ ق ح ر سىرتقى ىستەر ءمينيسترى ۆان يمەن كەلىسسوزدەر جۇرگىزگەندە تاراپتار ەكىجاقتى ىنتىماقتاستىقتىڭ كەڭ اۋقىمدى ماسەلەلەردى، اعىمداعى جىلداعى بولاتىن بايلانىستاردىڭ جوعارى دەڭگەيلەرىندەگى دايىندىق ماسەلەسىن تالقىلادى، سونىمەن بىرگە ءبىرقاتار حالىقارالىق جانە وڭىرلىك ماسەلەلەر بويىنشا پىكىر الماستى.
ەسكە سالا كەتەيىك، ا و س ش ك مۇشە-مەملەكەتتەر سىرتقى ىستەر مينيسترلەرىنىڭ 5-كەزدەسۋىنىڭ قورىتىندىسى بويىنشا بىرلەسكەن دەكلاراتسيا، 2016-2018-جىلدارعا ارنالعان ەسىرتكىگە قارسى كۇرەستە ىنتىماقتاستىق بويىنشا ءىس-شارالار جوسپارى، 2016-2018-جىلدارعا ارنالعان شاعىن جانە ورتا كاسىپكەرلىكتى دامىتۋ سالاسىنداعى كەلىسىم شارالارىن جۇزەگە اسىرۋ بويىنشا ءىس-شارالار جوسپارى قابىلداندى.
ازياداعى ءوزارا ىقپالداستىق جانە سەنىم شارالارى جونىندەگى كەڭەستى (ا و س ش ك) وتكىزۋ تۋرالى باستامانى العاش رەت قازاقستان رەسپۋبليكاسىنىڭ پرەزيدەنتى ن. نازاربايەۆ 1992-جىلعى قازاندا وتكەن ب ۇ ۇ باس اسسامبلەياسىنىڭ 47-سەسسياسىندا ۇسىنعان بولاتىن. ول 1992-جىلدان 2010-جىلعا دەيىن ا و س ش ك- تە قازاقستان، 2010-2014-جىلدارى تۇركيا ءتوراعالىق ەتتى. 2014-جىلدان 2018-جىلعا دەيىن ءتوراعالىق قىتايعا ءوتتى.
قازىر ا و س ش ك- كە 26 مەملەكەت مۇشە (اۋعانستان، ازەربايجان، باحرەين، بانگلادەش، ۆەتنام، مىسىر، ءۇندىستان، يراك، يزرايل، يوردانيا، يران، قازاقستان، كاتار، كامبودجا، قىتاي، قىرعىزستان، موڭعوليا، پاكىستان، پالەستينا، كورەيا رەسپۋبليكاسى، رەسەي، ب ا ءا، تاجىكستان، تايلاند، تۇركيا، وزبەكستان)، 12 ەل مەن حالىقارالىق ۇيىم - بايقاۋشى (بەلارۋس، يندونەزيا، شري-لانكا، ۋكراينا، ا ق ش، جاپونيا، مالايزيا، فيليپپين، ب ۇ ۇ، ە ق ى ۇ، تۇركيا، اراب مەملەكەتتەر ليگاسى).