قايرات نۇرتاس قىزدارعا جار تاڭداۋدا مۇقيات بولۋعا كەڭەس بەردى
02:01, 29 - ءساۋىر 2016
استانا. قازاقپارات - قازاق ەستراداسىنىڭ جۇلدىزى قايرات نۇرتاس «بايقا» انىنە بەينەبايان ءتۇسىرىپ جاتىر دەپ حابارلايدى NUR. KZ.
بۇل تۋرالى ءانشى «ن ت ك» ارناسىنا بەرگەن سۇحباتىندا ايتقان.
بەينەبايان جەلىسى ءاننىڭ ماتىنىنە ۇقسايدى. كليپتە قايرات وزىنە اسا ءمان بەرمەيتىنىن بويجەتكەندى ۇناتىپ، وعان ومىرلىك جار تاڭداۋدا قاتەلەسپەي، «بايقاپ» ءجۇرۋىن ايتادى.
كەزەكتى كليپىن ءتۇسىرىپ جاتقان ءانشى كامەرامەن جۇمىس ىستەگەننىڭ قيىن ەكەنىن دە جاسىرماعان.
«مەنىڭ جۋرناليستەرگە سۇحبات بەرگىم كەلمەيدى، كينوعا دا تۇسكىم كەلمەيدى. ويتكەنى، كامەرامەن جۇمىس ىستەۋ اۋىر»، - دەيدى تانىمال ءانشى.
ەسكە سالا كەتەيىك، بۇگىن قايرات نۇرتاستىڭ مادەنيەت جانە سپورت ۆيتسە-ءمينيسترى بولعانى تۋرالى اقپارات تاراعان بولاتىن.