اتوم ستانساسىنىڭ كومپيۋتەرلىك جۇيەسى جاھاندىق جەلىدەن وقشاۋلانعان جانە ۆيرۋستار ينتەرنەتكە قوسىلمايتىندىقتان ستانسا جۇمىسىنا قاۋىپ تونبەگەن.
يادرولىق وتىننىڭ ورنىن اۋىستىرۋعا ارنالعان كومپيۋتەرلىك جەلىدەن تابىلعان ەكى زياندى باعدارلاما - W32.Ramnit جانە Conficker ۆيرۋستارى. بۇل ۆيرۋستار مالىمەتتەر ساقتالعان 18 قاتتى جادى جانە فلەشكىلەردەن تابىلدى.
حاكەرلەر W32.Ramnit ۆيرۋسى ارقىلى ونلاين- بانكينگ مالىمەتتەرىن جىمقىرادى. ونىڭ ءتۇرلى مودۋلدەرى جۇيە ينتەرنەتكە قوسىلعان جاعدايدا قاشىقتىقتان باسقارۋعا مۇمكىندىك بەرەدى. ۆيرۋس 2008-جىلى شىعىپ، ميلليونداعان كومپيۋتەرگە تارالعان. كوپ جاعدايدا قارجى مالىمەتتەرىن ۇرلاۋ، بوتنەت جەلىلەرىن قۇرۋ ءۇشىن پايدالانىلادى.
ەكى ۆيرۋس تا اتوم ستانساسىنىڭ جەلىسىنە ايتارلىقتاي زيان كەلتىرمەگەن.