ۇلت جوسپارى الەمدىك داعدارىسقا قاراماستان، بيزنەستى دامىتۋعا جول اشادى - ن. نازاربايەۆ

استانا. قازاقپارات - ۇلت جوسپارى الەمدىك داعدارىسقا قاراماستان، بيزنەستى دامىتۋ ءۇشىن كەڭ مۇمكىندىكتەرگە جول اشادى.

بۇگىن استاناداعى بەيبىتشىلىك جانە كەلىسىم سارايىندا وتكەن قازاقستان حالقى اسسامبلەياسىنىڭ XXIV سەسسياسىندا ەلباسى نۇرسۇلتان نازاربايەۆ وسىلاي ءمالىم ەتتى.

بۇل رەتتە پرەزيدەنت ەرەكشە پەرسپەكتيۆاسى بار 60 ەلدە جۇرگىزىلىپ جاتقان بيزنەستى جاھاندىق مونيتورينگىلەۋ مالىمەتتەرىنە توقتالا كەلە، وندا ازاماتتاردىڭ كاسىپكەرلىك بەلسەندىگى دەڭگەيى بويىنشا قازاقستان قۇرمەتتى 29- ورىندى العانىن اتاپ ءوتتى. جۇمىس ورىندارىن قۇرۋ پەرسپەكتيۆالارى تۇرعىسىندا التىنشى ورىندا. ەڭبەك نارىعىنىڭ تيىمدىلىگى رەيتينگىندە ەلىمىز 140 مەملەكەتتىك اراسىندا 18- ورىنعا جايعاستى.

«بۇل وتكەن جىلدارداعى جۇمىسىمىزدىڭ ناتيجەلەرى. بيزنەس ءۇشىن ەڭ قولايلى جاعدايلار جاھاندىق رەيتينگىندە ءبىز الەمنىڭ 189 ەلى ىشىندە 40-ورىندامىز. ەكونوميكالىق ەركىندىك يندەكسىندە 2016-جىلدا قازاقستاندا 180 ەلدىڭ اراسىندا 68- پوزيتسيادا»، - دەدى پرەزيدەنت.

وسى رەتتە ەلباسى ەلىمىزدە جۇزەگە اسىرىلىپ جاتقان اۋقىمدى مەملەكەتتىك باعدارلامالار قازاقستان ازاماتتارى وزدەرىنىڭ بولاشاعىنا، لايىقتى جۇمىسقا جانە جوعارى ءومىر ءسۇرۋ دەڭگەيىنە سەنىمدى بولۋىنا نەگىزدەلگەنىن اتاپ ءوتتى.

اۆتور: رۋسلان عابباسوۆ