قىتايدا ن. نازاربايەۆ زور قۇرمەتكە يە - شيان قالاسىنىڭ مەرى - فوتو
تاراپتار «ءبىر بەلدەۋ، ءبىر جول» ستراتەگياسىن جۇزەگە اسىرۋ اياسىنداعى ىنتىماقتاستىقتىڭ نىعايۋ پەرسپەكتيۆالارىن تالقىلادى.
«بۇگىنگى شاراعا قاتىسىپ، جيىلعاندارعا شيان قالاسىنداعى «جىبەك جولىنىڭ ەكونوميكالىق بەلدەۋىنىڭ» جۇزەگە اسۋ بارىسىن بايانداۋ مەن ءۇشىن ۇلكەن مارتەبە. (...) پرەزيدەنت ن. نازاربايەۆ ق ح ر ءتوراعاسى شي جينپيڭنىڭ جاقسى دوسى. ەلدەرىمىز اراسىنداعى قارىم-قاتىناس ستراتەگيالىق سيپاتقا يە جانە جىل سايىن نىعايىپ كەلەدى. قىتايدا ن. نازاربايەۆقا ۇلكەن سىيلاستىقپەن قارايدى»، - دەدى شانگۋان تسزيتسين ش. نۇرىشيەۆپەن كەزدەسۋدە.
ول شانشي پروۆينتسياسى باوتسزي قالاسىنىڭ مەرى بولعاندا قازاقستانعا ساپارمەن بارعانىن ايتتى. ش. نۇرىشيەۆتى الداعى مامىر ايىندا «جىبەك جولىنىڭ ەكونوميكالىق بەلدەۋىنىڭ» دامۋى تاقىرىبىنداعى كورمەگە قاتىسۋعا شيان قالاسىنا شاقىردى.
قازاقستاندىق جۋرناليستەرگە بەرگەن سۇحباتىندا شانگۋان تسزيتسين شيان قالاسى قىتايدىڭ ءبىرىنشى قۇرلىقتىق ەكەنىن اتاپ ءوتتى. 2016-جىلى 26- ناۋرىزدا قالاعا قازاقستاننان 2 مىڭ توننا جۇك تيەلگەن العاشقى چانان پويىزى جەتتى.
«بۇگىننەن باستاپ شيان مەن ورتالىق ازيا ەلدەرى اراسىنداعى حالىقارالىق تەمىر جول جاڭا مۇمكىندىكتەرگە جول اشتى. ءبىزدىڭ كومپانيالارىمىز ورتا ازيا ەلدەرىنىڭ جەتەكشى كومپانيالارىمەن ىنتىماقتاستىق ورناتىپ جاتىر. مىسالى، «ايتسزيۋي» كورپوراتسياسى باستاعان كاسىپورىن قازاقستاندا اۋىل شارۋاشىلىعى الاڭدارىنىڭ قۇرىلىسىن باستادى. كوپتەگەن ەلەكتروندى كوممەرتسيالىق كاسىپورىندار ورتالىق ازيادا ەلەكتروندى كوممەرتسيالىق پلاتفورمالار قۇرا باستادى»، - دەدى ول.
ەسكە سالا كەتەيىك، شارانى قازاقستان مەن تۇركىمەنستاننىڭ قىتايداعى ەلشىلىكتەرى سونداي-اق، «قازاقستان تەمىر جولى» ۇلتتىق كومپانياسى» ا ق ۇيىمداستىرعان. تانىستىرىلىمعا 130 دان استام ادام قاتىستى، ولاردىڭ اراسىندا قازاقستاننىڭ ق ح ر- داعى ەلشىسى شاحرات نۇرىشيەۆ، تۇركىمەنستاننىڭ قىتايداعى ەلشىسى چينار رۋستاموۆا، ق ح ر شانشي پروۆينتسياسىنداعى شيان قالاسىنىڭ مەرى شانگۋان تسزيتسين، ق ك پ ليانيۋنگان قالاسىنداعى پارتيا كوميتەتىنىڭ حاتشىسى جانە اتالعان قالا اكىمشىلىگىنىڭ ديرەكتورى ۋ يتسياو، «قىتاي تەمىرجولدارى» كومپانياسىنىڭ ۆيتسە-پرەزيدەنتى حۋان مين، تۇركىمەنستان تەمىرجول كولىگى مينيسترلىگى ماركەتينگ ءبولىمىنىڭ باستىعى ازات ارىزمەدوۆ، «ق ت ج» ۇ ك» ا ق- نىڭ لوگيستيكا جونىندەگى ۆيتسە-پرەزيدەنتى قانات الپىسبايەۆ، ق ح ر س ءى م- ءنىڭ وكىلدەرى، سونداي-اق 40 قا جۋىق قىتايلىق كولىك كومپانيالارى مەن ب ا ق قاتىستى.
شارا قىتايلىق بيزنەس وكىلدەرىنىڭ ۇلكەن قىزىعۋشىلىعىن تۋدىردى.
اۆتور: قانات مامەتقازى ۇلى