ق ر پرەزيدەنتى «شەنەۋنىك» سوزىنە قاتىستى پىكىرىن ايتتى
بۇل تۋرالى بۇگىن استاناداعى بەيبىتشىلىك جانە كەلىسىم سارايىندا «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن ءوتىپ جاتقان قازاقستان حالقى اسسامبلەياسىنىڭ XXIV سەسسياسىندا ق ر پرەزيدەنتى نۇرسۇلتان نازاربايەۆ ءمالىم.
مەملەكەتتىك قىزمەتكەرلەر اراسىندا ەلىمىزدىڭ ەتنوس وكىلدەرى جۇمىس ىستەپ جۇرگەنىنە توقتالعان پرەزيدەنت، وسى رەتتە ەلىمىزدىڭ زاڭناماسى قازاقستانداعى بارلىق ۇلت وكىلدەرىنە مەملەكەتتىك قىزمەتكە تۇرۋىنا مۇمكىندىگىن قامتاماسىز ەتىپ وتىرعانىن ەسكە سالىپ ءوتتى.
«بۇل رەتتە زاڭناما اياسىندا كونكۋرستان ءوتىپ، ءبىلىمىڭدى كورسەتۋىڭ كەرەك. شىنىن ايتسام، ماعان «شەنەۋنىك» دەگەن ءسوز ۇنامايدى. شەنەۋنىك ول پاتشالىق ءسوز، ياعني شەن دەگەننەن شىققان. بىزدە مەملەكەتتىك قىزمەتكەر بار. قالاي ايتقانىمەن، مەملەكەتتىك قىزمەتكەرلەر حالىققا قاجەتتى قىزمەتتى كورسەتۋدە. كومەك قاجەت بولعاندا حالىق پوليتسەيلەرگە جانە مەملەكەتتىك قىزمەتكەرلەردىڭ كومەگىنە جۇگىنەدى. سوندىقتان دا ادامدار ۇمتىلۋى ءۇشىن ءبىز مەملەكەتتىك قىزمەتتى قۇرمەتتى ءارى سىيلى، ادال ەتۋىمىز كەرەك»، - دەدى پرەزيدەنت.
ن. نازاربايەۆ مەملەكەتتىك اپپاراتتا ءاردايىم ەتنيكالىق ارتۇرلىلىك بولۋى تۇرعىسىندا جۇمىستار جالعاساتىنىن اتاپ ءوتتى.
اۆتور: رۋسلان عابباسوۆ